హైదరాబాద్ : తెలుగు తెరపై హాస్యకథానాయకుడిగా 'అల్లరి' నరేశ్ ప్రత్యేకమైన గుర్తింపు తెచ్చుకున్నాడు. చాలా వేగంగా 50 సినిమాలను పూర్తిచేసిన ఆయన, ఒక వైపున కథానాయకుడిగా చేస్తూనే మరో వైపున కీలకమైన పాత్రలను చేయడానికి కూడా అంగీకరిస్తున్నాడు. 'మహర్షి'లో మహేశ్ బాబు స్నేహితుడిగా చేసిన పాత్ర అటువంటిదే. అలాంటి నరేశ్ ఐ డ్రీమ్స్ ఇంటర్వ్యూలో మాట్లాడుతూ .. 'భలే భలే మగాడివోయ్' సినిమా చూసిన తరువాత ఈ సినిమా నేను చేస్తే బాగుండేదనిపించింది. ముందుగా మారుతి నాకు ఈ కథ చెప్పాడనీ, నేను ఒప్పుకోకపోవడం వల్లనే నానీకి వెళ్లిందనే ప్రచారం జరిగింది. అందులో ఎంతమాత్రం వాస్తవం లేదు. ఎందుకంటే మారుతి నాకు చెప్పిన కథ ఇది కాదు .. అది వేరే. ఈ సినిమాకి ముందు నన్ను మారుతి కలవడం వలన, అంతా అలా అనుకున్నారుఁ అని చెప్పుకొచ్చాడు.
Mon Jan 19, 2015 06:51 pm