హైదరాబాద్: మెదడుకు సర్జరీ అంటేనే ఎంతో భయం వేస్తుంది. అలాంటిది.. ఆమె స్పృహలో ఉండగానే మెదడుకు సర్జరీ చేయించుకుని ఔరా అనిపించింది. అంతేకాదు, ఆపరేషన్ సమయంలో ఎంతో ధైర్యంగా వయోలిన్ వాయిస్తూ వైద్యులకు సహకరించింది. ఈ అరుదైన ఘటన లండన్లోని కింగ్ కాలేజ్ హాస్పిటల్లో చోటుచేసుకుంది. సింఫనీ ఆర్కెస్ట్రాలో వియోలీనిస్ట్(వయోలిన్ వాద్యకారిణి)గా పనిచేస్తున్న మహిళ బ్రెయిన్ ట్యూమర్తో హాస్పిటల్లో చేరింది. ఆమె మెదడులోని కణితిని తొలగించేందుకు సర్జరీ చేస్తూ.. మధ్యలో అనస్థీషియా(మత్తు)ను తొలగించారు. సర్జరీలో భాగంగా ఆమె చేతులు, వేళ్లు పనిచేస్తున్నాయో లేదో తెలుసుకొనేందుకు వైద్యులు ఈ విధంగా చేయాల్సి వచ్చింది. ఆమె వయోలినిస్ట్ కావడంతో డాక్టర్లు ఆమె చేతికి వయోలిన్ ఇచ్చి వాయించాలని కోరారు. ఆమె ఒకపక్క వయోలిన్ వాయిస్తుంటే.. మరోపక్క వైద్యులు ఆమె మెదడులోని కణితను తొలగించారు. కుడివైపు నుదుటి భాగంలో ఏర్పడిన కణితిని తొలగించడం వల్ల ఎడమ చేతికి ఇబ్బంది ఏర్పడే సమస్య ఉంది. ఇలాంటి ఆపరేషన్ చేస్తున్నప్పుడు వైద్యులు రోగి తన వేళ్లను కదపాలని చెబుతుంటారు. అయితే, ఆమె వయోలిన్ వాయిస్తానని కోరింది. ఈ సందర్బంగా న్యూరోసర్జన్ ప్రొఫ్రెసర్ కెయుమార్స్ అష్కాన్ ఓ వార్తా సంస్థతో మాట్లాడుతూ.. 'ఆమెకు కణితి ఏర్పడిన చోట ఎడమ చేతిని కంట్రోల్ చేసే వ్యవస్థ ఉంది. దానివల్ల ఆమె ఆ చేతిని కదపడంలో ఇబ్బందిపడేది. ఇప్పుడు ఆ ప్రాంతంలోని 90 శాతం కణితిని తొలగించాం. దీనివల్ల ఆమె ఎడమ చేయికి ఏర్పడిన సమస్య తొలగిపోయింది' అని తెలిపారు.
Mon Jan 19, 2015 06:51 pm
- మీరు ఇక్కడ ఉన్నారు
- ➲
- హోం
- ➲
- తాజా వార్తలు
- ➲
- స్టోరి
- Feb 19,2020 08:34PM