సడన్‌ గా మానేస్తున్నారా..? | Manavi | NavaTelangana | Special Section for Women

ఆమె అవని ఆకాశం నిండైన ఆత్మగౌరవ గీతిక ఎగిసిపడే స్వేచ్ఛాపతాక

హోంమానవిఆరోగ్యం

సడన్‌ గా మానేస్తున్నారా..?

ప్రతిరోజూ క్రమం తప్పకుండా వ్యాయామం చేయడం అంత తేలికైన పని కాదు. దీనికి చాలా కృషి, పట్టుదల అవసరం. చాలా మంది వ్యాయామాన్ని ప్రారంభించేటప్పుడు ఉత్సాహంగానే ప్రారంభిస్తారు. కానీ ఓ నెల లేదా కొన్ని రోజుల తర్వాత పనుల బిజీలో పడిపోయి మానేస్తూ ఉంటారు. అయితే, ఇలా వ్యాయామం చేయడం సడన్‌ గా మానేస్తే అనేక సమస్యలు వచ్చే అవకాశం ఉందంటున్నారు డాక్టర్లు. కొన్ని రోజుల పాటు వ్యాయామం చేసిన తర్వాత సడన్‌ గా దాన్ని ఆపేయడం వల్ల శరీరంలో కొవ్వు పెరిగిపోయి, ఆరోగ్య సమస్యలు ఎదురవడంతో పాటు అప్పటివరకూ తగ్గిన బరువు తిరిగి పెరిగిపోయే అవకాశం ఉంటుందట. దీంతో పాటు చాలా రకాల ఆరోగ్య సమస్యలు ఎదురవుతాయని హెచ్చరిస్తున్నారు. మరి సడన్‌గా వ్యాయామం మానేస్తే ఎలాంటి అనర్థాలు ఎదురవుతాయో చూద్దాం...
త్వరగా అలసిపోతారు: ప్రతి రోజూ వ్యాయామం చేయడం వలన కండరాలు ఎక్కువగా శ్రమకు గురవుతాయి. కానీ దాన్ని ఒక్కసారిగా ఆపేయడం వలన కండరాలు పటుత్వం కోల్పోయి వాటి పోగులు కుచించుకుపోతాయి. తద్వారా శరీరంలో క్యాలరీలు ఎక్కువగా ఖర్చు కావు. దీనివల్ల బరువులో విపరీతమైన మార్పులు వస్తాయి. దాంతో చిన్న చిన్న పనులకే కండరాలు నొప్పిగా అనిపిస్తాయి. దీంతో పాటు త్వరగా అలసిపోయి నీరసించి పోతారు. అందుకే ఒకసారి వ్యాయామాన్ని మానేయకుండా ఉండాలి. ఒకవేళ మీరు వ్యాయామం మానేయాలనుకుంటే క్రమంగా మీ వ్యాయామ సమయాన్ని తగ్గించుకుంటే మంచిది.
ఫిట్‌నెస్‌ స్థాయి తగ్గుతుంది: ప్రతి రోజూ వర్కవుట్స్‌ చేస్తూ మంచి ఫిట్‌ నెస్‌ కలిగి ఉన్న వారు సడన్‌గా వ్యాయామం చేయడం మానేస్తే.. సుమారు 12 వారాల తర్వాత, మీ ఫిట్‌నెస్‌ స్థాయిలు తగ్గడం ప్రారంభమవుతాయి. తద్వారా మీ శరీరాకృతిలో మార్పులు చోటుచేసుకుంటాయి.
పొట్ట పెరుగుతుంది: వ్యాయామం చేసే సమయంలో మీ శరీరం ఫిట్‌గా ఉంటుంది. ఆ సమయంలో పొట్ట కూడా తగ్గుతుంది. అయితే ఎప్పుడైతే వ్యాయామం మానేస్తామో అప్పుడు పొట్ట మళ్లీ పెరగడం ప్రారంభమవుతుంది. ఈ మార్పు మీకు కేవలం వారం రోజుల్లోనే కనిపిస్తుంది. శరీరంలోని కొవ్వును కరిగించలేరు కాబట్టి మీరు నెమ్మదిగా మళ్లీ బొద్దుగా తయారవుతారు. తద్వారా మీ జీవక్రియ కూడా నెమ్మదిస్తుంది. ఫలితంగా బరువు పెరుగుతారు.
రక్తపోటులో హెచ్చుతగ్గులు: వ్యాయామం మానేసిన వెంటనే మీ రక్తపోటు స్థాయిల్లో హెచ్చుతగ్గులు ఏర్పడతాయి. మీరు వ్యాయామం మానేసిన సమయంలో మీ రక్తపోటు సాధారణంగా ఎక్కువగా ఉంటుంది. అదే రెండు వారాల తరువాత రక్త నాళాలు నిశ్చల జీవనశైలికి అనుగుణంగా మారిపోతాయి. కాబట్టి ఒకేసారి వ్యాయామాన్ని మానకూడదు.
శ్వాస సమస్యలు అధికమవుతాయి: సడన్‌గా వ్యాయామం మానేస్తే శ్యాస సమస్యలు అధికమవుతాయి. కొద్ది దూరం నడిచినా, పరిగెత్తినా సరే వెంటనే అలసట చెందుతారు. మీ గుండె వేగంగా కొట్టుకుంటుంది. ఈ సమస్యకు ప్రధాన కారణం మీ ఆక్సిజన్‌ను శక్తిగా మార్చే మీ కండరాలకు పనిచెప్పక పోవడమే. కాబట్టి రోజూ చేసే వ్యాయామం ఒకేసారి ఆపేస్తే శ్వాస సమస్యలు ఎదురవుతాయి.
మెదడు పనితీరుపై ప్రభావం: మీ రోజువారి వ్యాయామాన్ని సడన్‌గా ఆపేయడం వలన మీ మెదడు త్వరగా అలసిపోతుంది. అనారోగ్య సమస్యలు అధికమవుతాయి. క్రమం తప్పకుండా వ్యాయామం చేయడం వల్ల మీ శరీరం ఎండార్ఫిన్లను విడుదల చేస్తుంది. దీనివల్ల మనసు ఆహ్లాదంగా మారుతుంది. నిరాశ, ఒత్తిడిని తగ్గించుకోవచ్చు. అంతేకాక మీ మానసిక స్థితిని మెరుగుపర్చుకోవచ్చు.
కండరాలు పటుత్వం కోల్పోతాయి: ఒకేసారి వ్యాయామం మానేస్తే మీ కండరాలు బలహీనపడతాయి. తద్వారా క్రమంగా మీ కండరాలు పటుత్వం కోల్పోతాయి. కొన్ని రోజుల్లో మీరు బరువులెత్తే సామర్థ్యం కూడా తగ్గిపోవచ్చు. రోజూ వ్యాయామం చేసే సమయంలో మీరు వంద కేజీల బరువును సులువుగా ఎత్తగలిగితే వ్యాయామం ఆపేసిన కొన్ని రోజుల తర్వాత అందులో సగం బరువును ఎత్తేందుకు కూడా మీరు ఇబ్బంది పడాల్సి వస్తుంది. దీనికి కండరాల పటుత్వం తగ్గడమే కారణం.

సడన్‌ గా మానేస్తున్నారా..?

MORE STORIES FROM THE SECTION

manavi

ఆరోగ్యం

నిర్లక్ష్యం వద్దు

14-04-2021

స్త్రీలు ఇంటి పనుల్లో, ఆఫీసు పనుల్లో అలుపెరగకుండా పనిచేస్తారు. కానీ తమ ఆరోగ్యం పట్ల, వేళకు తాము తీసుకునే ఆహారాన్ని మాత్రం నిర్లక్ష్యం చేస్తుంటారు.

manavi

ఆరోగ్యం

పండ్ల రసాలతో...

14-04-2021

వేసవిలో దొరికే పండ్ల రసాలలో విటమిన్‌ ఎ, సిలు పుష్కలంగా ఉంటాయి. మలబద్దత సమస్య తొలగిపోతుంది, ఎండ వేడి వల్ల మూత్రంలో మంటను నివారించవచ్చు, కిడ్నీలలో రాళ్లు

manavi

ఆరోగ్యం

ఆరోగ్యంగా ఉండాలంటే..?

13-04-2021

ప్రస్తుత వాతావరణ పరిస్థితుల్లో ఆరోగ్యంగా జీవించడం అతి పెద్ద సవాలుగా మారింది. చాలా మందికి పాతికేండ్లు నిండకుండానే రకరకాల వ్యాధులు వచ్చేస్తున్నాయి.

manavi

ఆరోగ్యం

పరగడుపున తాగండి

11-04-2021

ఎండాకాలం వచ్చిందంటే చాలు.. ఎన్నెన్నో ఆరోగ్య సమస్యలు ఇబ్బంది పెడుతుంటాయి. డీ హైడ్రేషన్‌, తల నొప్పి, వేడి వల్ల చర్మం పగుళ్లు, పొడిబారడం, మలబద్ధకం, జీర్ణ సంబంధ సమస్యలు వంటివి వస్తుంటాయి. ఈ సమస్యలన్నింటికీ ఒక్క పనితో చెక్‌ పెట్టే వీలుందని మీకు

manavi

ఆరోగ్యం

వేసవి జాగ్రత్తలు

10-04-2021

వేసవి వల్ల అందరికీ ఇబ్బందులు వస్తూ ఉంటాయి. ఇక గర్బిణీలనైతే మకీ బాధిస్తాయి. సరిగ్గా తినలేక ఈ సమస్యకు గురవుతుంటారు. మానసికంగా కూడా ఆందోళన చెందుతుంటారు. అయితే ఇటువంటి సమయంలో ఎంత జాగ్రత్తగా ఉంటే అంత మంచిది. గర్భిణీలు ఇటువంటి

manavi

ఆరోగ్యం

వీటికి దూరంగా...

09-04-2021

వేసవి కాలంలో ఎలాంటి అనారోగ్యం బారిన పడుకుండా ఆరోగ్యంగా ఉండాలంటే కాస్తంత ప్రత్యేక శ్రద్ధ తీసుకోవాలని ఆరోగ్య నిపుణులు సలహా ఇస్తున్నారు.