రోజుకో ఉసిరికాయను తీసుకుంటే చాలు.. ఆరోగ్యం మీవైపే వుంటుందని వైద్యులు చెప్తున్నారు. అనారోగ్య సమస్యలను, నీరసాన్ని దూరం చేసుకోవాలంటే ఉసిరికాయను తినాలి. పెద్దలు, పిల్లలు ఏదో ఒక రూపంలో వయోబేధం లేకుండా ఉసిరిని డైట్‌లో చేర్చుకోవడం ద్వారా ఆరోగ్యానికి ఎంతో మేలు చేసిన వారవుతారని ఆరోగ్య నిపుణులు సూచిస్తున్నారు.
పుష్కలమైన విటమిన్‌-సి, బ్రహ్మాండమైన రోగనిరోధక శక్తి, ఎల్లప్పుడూ ఉత్సాహం, సకల రోగాల పాలిటి శత్రువుగా ఉసిరికాయ పనిచేస్తుంది. జీవితమంతా ఆరోగ్యంగా వుండాలంటే.. రోజుకో ఉసిరికాయ తినాల్సిందే. ఇందులో విటమిన్‌-సి, యాంటీ యాక్సిడెంట్లు పుష్కలం. కెలోరీలు తక్కువ. చర్మరక్షణ, కేశ సంరక్షణ, రోగనిరోధక వ్యవస్థలకు ఆమ్లా ఎంతో మేలు చేస్తుంది.
ముఖ్యంగా జలుబు, దగ్గు వంటి వాటి బారిన పడకుండా ఇది మనల్ని కాపాడుతుంది. బరువు తగ్గాలని కోరుకునే వారు కచ్చితంగా ఉసిరి కాయను టేస్టు చేయాల్సిందే. రోజుకు ఒకటి తీసుకోవాల్సిందే. నడుం దగ్గరి కొవ్వును కరిగించి, సన్నని, నాజూకైన నడుమును మీకు బహుమతిగా ఇస్తుంది. అలాగే డయాబెటిస్‌ ఉన్నవారికి ఇది ఓ మంచి ఔషధం లాంటిది.
ఇన్సులిన్‌ స్పందనను పెంచి, రక్తంలో చక్కెర స్థాయిలను కూడా నియంత్రించగలుగుతుంది. గుండె సంబంధిత వ్యాధిగ్రస్తులు కూడా ఉసిరిని తమ ఆహారంలోకి చేర్చుకుంటే చాలా ప్రయోజనాలు పొందవచ్చు.
ఉసిరికాయలోని రోగనిరోధక శక్తిని పెంచే గుణాలు, గాయాలను త్వరగా నయం చేయడంలో బాగా ఉపయోగపడతాయి. ప్రకాశవంతమైన చర్మం, నల్లటి కేశాలు కావాలంటే ఉసిరిని మీ ఆహారంలో భాగంగా చేసుకోండి. కంటి, దంత సమస్యలను కూడా ఉసిరికాయ తొలగిస్తుందని నిపుణులు సూచిస్తున్నారు.
ఆమె అవని ఆకాశం నిండైన ఆత్మగౌరవ గీతిక ఎగిసిపడే స్వేచ్ఛాపతాక
MORE SECTIONS
Recent From Manavi