Authorization
Mon Jan 19, 2015 06:51 pm
- ఏర్పాటు చేయనున్న ఉబర్, హైదరాబాద్ పోలీస్
హైదరాబాద్: ప్రస్తుతం మన సమాజంలో ఉన్న మహమ్మారి ఇంకా పూర్తిగా తగ్గలేదు. ఈ పరిస్థితుల్లో కూడా మనం మన జాగ్రత్తల్లో ఉండాలి. అందులో భాగంగా 500 నాన్ ఉబర్ ఆటోల్లో సేఫ్టీ స్క్రీన్స్ ని ఏర్పాటు చేసేందుకు సంయుక్తంగా సిద్ధమయ్యాయి ఉబర్ మరియు హైదరాబాద్ పోలీస్. దీనిద్వారా హైదరాబాద్ లాంటి మహానగరంలో అర్బన్ మొబిలిటీని మరింత సురక్షితంగా తీర్చిదిద్దడానికి వీలు కలుగుతుంది. ఈ భాగస్వామ్యంలో భాగంగా .. ఉబర్ తన డ్రైవర్లకు, అలాగే యాప్ని ఉపయోగించే వినియోగదారులకు కోవిడ్ భద్రతా పాంప్లేట్స్ని అందిస్తుంది. అలాగే యాప్ మేసేజ్ల ద్వారా భద్రతా ప్రోటోకాల్పై అవగాహన కలిగేలా హైదరాబాద్ పోలీసు కమిషనర్ ద్వారా సందేశాలను అందిస్తుంది.
ఈ సందర్భంగా హైదరాబాద్ ట్రాఫిక్ అడిషనల్ పోలీస్ కమిషనర్ శ్రీ అనిల్ కుమార్, ఐపీఎస్ మాట్లాడారు. ఆయన మాట్లాడుతూ.. ఈ మహమ్మారి వ్యాప్తి చెందినప్పటి నుంచి, కోవిడ్-19 వైరస్ వ్యాప్తిని పరిమితం చేయడం కోసం అనేక భద్రతా చర్యలు తీసుకున్నాం. ఇప్పుడు ఉబర్ తో మా ఈ భాగస్వామ్యం ద్వారా ఈ మహా నగరాన్ని సురక్షితంగా ఉంచడంలో మరో అడుగు ముందుకు వేశాం. సేఫ్టీ స్క్రీన్ లు రైడర్ మరియు డ్రైవర్ మధ్య భౌతిక దూరాన్ని పెంచుతాయి. తద్వారా డ్రైవర్, ప్రయాణికుడు భౌతికంగా దూరంగా ఉండేందుకు ఇది ఉపయోగపడుతుంది. దీనిద్వారా మరింత మంది రైడర్లు మరియు డ్రైవర్లకు అవగాహన కలుగుతుంది. అలాగే ప్రజలకు పోలీసులు సురక్షిత రవాణాను కచ్చితంగా అందించగలరన్న భరోసా ఏర్పడుతుందనే నమ్మకం మాకుంది అని అన్నారు ఆయన. ఈ సందర్భంగా ఉబర్ శ్రీలంక మరియు సౌత్ మరియు ఈస్ట్ ఇండియా జనరల్ మేనేజర్ శ్రీ సుబోధ్ సంగ్వాన్ మాట్లాడారు. ఆయన మాట్లాడుతూ.. భద్రత విషయానికి వస్తే మా ప్రయత్నం ఎప్పటికీ పూర్తి కాదు. మా ఈ భాగస్వామ్యం ద్వారా సురక్షితమైన ప్రయాణాలను ప్రోత్సహించడం, కోవిడ్ భద్రతా చర్యలపై డ్రైవర్ మరియు ప్రజల్లో అవగాహన పెంపొందించడమే మా లక్ష్యం. మా రైడర్లు, డ్రైవర్ లు, నగర అడ్మినిస్ట్రేషన్ యొక్క పూర్తి మద్దతుతో, ప్రతి ట్రిప్పును సురక్షితంగా ఉంచడంలో సాయపడటం కొరకు మేం ఉమ్మడిగా పనిచేయగలమని విశ్వసిస్తున్నాం అని అన్నారు ఆయన.
కోవిడ్ మహమ్మారి వ్యాప్తి చెందినప్పటి నుంచి రాష్ట్ర ప్రభుత్వాలు, కమ్యూనిటీలకు మద్దతు ఇవ్వడానికి ఉబర్ అనేక కార్యక్రమాలను ప్రారంభించింది. నేషనల్ హెల్త్ అథారిటీ (NHA) ద్వారా వేలాది ఫ్రంట్ లైన్ హెల్త్ కేర్ వర్కర్లకు ఉచిత రవాణాను అందించింది. అంతేకాకుండా సిటీ మరియు స్టేట్ గవర్నమెంట్ ల కొరకు 280,000 ఉచిత ట్రిప్పులను ఏర్పాటు చేసింది. 10 మిలియన్ ఉచిత ఫుడ్ డెలివరీలు మరియు రైడ్ లను హెల్త్ కేర్ వర్కర్ లు, సీనియర్ లు మరియు అవసరం లో ఉన్న వ్యక్తులకు విరాళంగా ఇవ్వడం కోసం చేసింది. ఇవన్నీ ఉబర్ CEO దారా ఖోస్రోషాహి గారు చేసిన గ్లోబల్ వాద్దానంలో భాగంగా అందించబడ్డాయి. గత కొన్ని నెలలుగా, కంపెనీ రైడర్ లు మరియు డ్రైవర్ ల కొరకు తప్పనిసరి మాస్క్ పాలసీ, డ్రైవర్ లు మరియు రైడర్ ల కొరకు ప్రీ ట్రిప్ మాస్క్ వెరిఫికేషన్ సెల్ఫీలు మరియు కోవిడ్-19 సంబంధిత భద్రతా ప్రోటోకాల్, డ్రైవర్ ఎడ్యుకేషన్ లాంటి సమగ్ర భద్రతా చర్యలను ప్రారంభించింది. అంతేకాకుండా భద్రతా ప్రమాణాలను అత్యున్నతంగా పాటించిన తన డ్రైవర్ లకు ఉబర్ కాంప్లిమెంట్గా 3 మిలియన్ మాస్క్ లు, 200,000 బాటిళ్ల డిస్ఇన్ఫెక్టంట్స్, శానిటైజర్స్ని పంపిణీ చేస్తోంది.