Authorization
Mon Jan 19, 2015 06:51 pm
న్యూఢిల్లీ: దేశీయ కార్ల తయారీ దిగ్గజం మారుతీ సుజుకీ ప్రీమియం హ్యాచ్బ్యాక్ మోడల్ కారు బాలెనో ఆర్ఎస్ను కొత్త హంగులతో ముస్తాబు చేస్తోంది. మార్కెట్ అవసరాలకు అనుగుణంగా సరికొత్త అప్డేట్స్తో మారుతీ బాలెనో ఆర్ఎస్ ఫేస్లిఫ్ట్ వెర్షన్ను ఆకర్షణీయంగా కంపెనీ తీసుకొస్తోందని కంపెనీ వర్గాలు తెలిపాయి. ఈ నెల చివరకు మార్కెట్లో ప్రవేశపెట్టనుంది. ఈ కారు ధర రూ.8.53 లక్షల (ఎక్స్షోరూం, ఢిల్లీ) దరిదాపుల్లో ఉండవచ్చని మార్కెట్ వర్గాల అంచనా. 1.0 లీటర్ పెట్రోలు బూస్టర్ జెట్ టర్బో ఇంజిన్తో మరింత శక్తివంతంగా ఈ కారును కంపెనీ రూపొందించింది. ముందు బంపర్లో మార్పులతో పాటు పాత హెచ్ఐడీ ల్యాంప్స్కు బదులుగా కొత్త ఎల్ఈడీ హెడ్ ప్రొజెక్టర్ ల్యాంప్స్ను మారుతీ ఈ కారులో అమర్చింది. అలాగే వెనుక వైపు డిస్క్ బ్రేక్లను, బ్లాక్ అండ్ సిల్వర్ డ్యుయల్ టోన్ కొత్త అల్లోరు వీల్స్ను కొత్తగా జోడించింది. డార్క్ గ్రే కలర్లో ఇంటీరియర్ డిజైన్ను ఇచ్చింది. దీంతోపాటు స్మార్ట్ప్లే ఇన్ఫోటైన్మెంట్ సిస్టంను స్మార్ట్ఫోన్ నావిమాప్స్ నావిగేషన్ ఆప్తో అప్డేట్ చేసింది.