Authorization
Mon Jan 19, 2015 06:51 pm
ముంబయి: హౌసింగ్ ఫైనాన్సింగ్ కంపెనీలు (గృహరుణ వ్యాపార సంస్థలకు-హెచ్ఎఫ్సీ) అందజేస్తున్న కొన్ని రకాల మినహాయింపులను ఆర్బీఐ రద్దు చేసింది. నాన్బ్యాంకింగ్ ఫైనాన్షియల్ సంస్థలతో సమానంగా వీటికి నిబంధనలను విధించింది. 'ది ఫైనాన్స్ యాక్ట్ 2019'లో మార్పులు చేసి 'ది నేషనల్ బ్యాంక్ చట్టం 1987'ను సవరించిన తర్వాత ఆర్బీఐ ఈ నిర్ణయం తీసుకొంది. ఈ సవరణతో గృహ రుణ వ్యాపార సంస్థల నిబంధనలను సవరించే అధికారం ఆర్బీఐ చేతికి వచ్చింది. ఇప్పటి వరకు ఈ సంస్థలకు 1934 ఆర్బీఐ చట్టంలోని చాప్టర్ ఐఐఐబీ నుంచి మినహాయింపు ఉంది. కానీ, తాజాగా ఆర్బీఐ నిర్వహించిన సమీక్షలో ఈ మినహాయింపును తొలగించాలని నిర్ణయించారు. దీంతో సదరు హెచ్ఎఫ్సీలు రుణాలను చెల్లించలేవని ఆర్బీఐ భావించినప్పుడు, లేదా ప్రజా ప్రయోజనాలకు భంగకరమని అనిపించినప్పుడు సదరు సంస్థను మూసివేయమని ఆదేశించే అధికారం ఆర్బీఐకి వచ్చి చేరింది. చట్టపరమైన ఏదైనా నిబంధననైనా ఐదు రోజుల్లో పూర్తి చేయలేకపోతే ఆర్బీఐ దానిని లాప్స్గా భావిస్తుంది. దీంతోపాటు ఆయా సంస్థలు ఆర్బీఐకు సమర్పించిన నివేదికల్లోని అంశాలు సరైనవో కాదో తనిఖీ చేసే అధికారం కూడా లభిస్తుంది. డివిడెండ్ను ప్రకటించడానికి ముందే కనీసం 20% నిధులను రిజర్వు చేయాలని కోరే అధికారం ఆర్బీఐ రానుంది.