Authorization
Mon Jan 19, 2015 06:51 pm
స్థబ్దమయిన కాలంలో
నిశ్శబ్దాన్ని మోస్తున్నాను
తలుపులు కిటికీల గుండా
దుఖం ప్రవహిస్తున్నది
పై కప్పూ చుట్టూ గోడలూ
ఒత్తిడిలో వణికి పోతున్నాయి
ఇంట్లోనూ గుండెల్లోనూ
గదిలన్నింటా చీకటి అలుముకుంది
మౌనం విశ్వ రూపాన్ని చూపిస్తోంది
అన్ని దారుల్లోనూ
ముళ్ళను పరిచారు
అన్ని మూలల్లోనూ
నిఘాల్ని నాటారు
వెన్నెల కాంతి లో వ్యాకులత
సూర్యుని వెలుగులో వేదన
కవి రచయితా కళాకారుడూ
ఎవరిని మీటినా
ఘనీభవిస్తున్న కలలు కనిపిస్తున్నాయి
కన్నీటి రాగాలు వినిపిస్తున్నాయి
కానీ
రుతువులు మారతాయి
కాలం ఒకేలా వుండదు
నిశ్శబ్దమే
కొత్త రాగానికి
నేపధ్య సంగీతమవుతుంది
మౌనమే
గుండె బద్దలవడానికి
నాంది పలుకుతుంది
- వారాల ఆనంద్,
9440501281