Authorization
Mon Jan 19, 2015 06:51 pm
పరుగెడుతున్నాయి కాల
ప్రహహాంలో కట్టుకున్న భవ బంధాలు
ఎప్పటికి పగ్గాలు పడునో....
పరాకాష్టకొచ్చిన పవిత్రమైన బంధాలకు
నిలవ గలవా నీవిక్కడ నాడి లేని
మనుషుల మధ్యన
ఆగలేవా అంతులేని ప్రేమకుల మదిల
అంతమయ్యేదాకా ..ఆలోచించు
మట్టిని నమ్మిన చేతులు రెండు
బతకడానికి మట్టినమ్మాయి
నాగలి ఎత్తిన భుజములు రెండు
మట్టిముద్దలు మోస్తున్నాయి
కుమ్మరి వాములు అలసిపోయినయి
మన్ను కుండలు మాయమైనయి
పెండ్లి తంతులు సాగుతున్నయి
మెరిసే కుండలు వెలుగుతున్నయి
రాట్నపు ఇరుసులు అరిగిపోయినయి
ఎదిగే బతుకులు చీకటైనయి
వలస పక్షులు ఎగురుతున్నయి
పరదేశానికి పాకుతున్నయి
నేతగూడులు నల్లబడ్డయి
నమ్మిన చేతులు నష్టబడ్డయి
ఎండిన జీవులు ఒక్కటైనయి
ఎగరడానికి సిద్దమైనయి
రెక్కలొచ్చిన నగదుకు నేడు
విలువలేని ఆస్తులున్నాయి
శ్రమను నమ్మే మనుషులున్న
పైకమివ్వని దోపిడీ జీవులున్నయి
కదలని పెదవులు కలిసే చోటున
మాటలేవో బయటపడ్డయి
మనసుకు అందే మాటలు కావు
మదిని దోచే మాటలవి
- ఘనపురం సుదర్శన్, 9000470542