Sun 26 Jun 08:02:59.363385 2022
హైదరాబాద్: లీస్టర్‌షైర్‌తో జరుగుతున్న ప్రాక్టీస్‌ మ్యాచ్‌ను భారత బ్యాటర్లు సద్వినియోగం చేసుకుంటున్నారు. నాలుగు రోజుల ఈ మ్యాచ్‌లో మూడో రోజు శనివారం భారత బ్యాటర్లు విరాట్‌ కోహ్లి (98 బంతుల్లో 67; 5 ఫోర్లు, 2 సిక్స్‌లు), శ్రేయస్ అయ్యర్‌ (89 బంతుల్లో 62; 11 ఫోర్లు), రవీంద్ర జడేజా (77 బంతుల్లో 56 బ్యాటింగ్‌; 10 ఫోర్లు) అర్ధ సెంచరీలతో ఆకట్టుకున్నారు. ఓవర్‌నైట్‌ స్కోరు 80/1తో రెండో ఇన్నింగ్స్‌ కొనసాగించిన భారత్ ఆట ముగిసే సమయానికి 92 ఓవర్లలో 7 వికెట్లకు 364 పరుగులు సాధించింది. శ్రీకర్‌ భరత్‌ (98 బంతుల్లో 43; 7 ఫోర్లు), హనుమ విహారి (55 బంతుల్లో 20; 2 ఫోర్లు) కూడా రాణించారు. లీస్టర్‌షైర్‌కు ప్రాతినిధ్యం వహిస్తున్న భారత బౌలర్లలో నవదీప్‌ సైనీ మూడు వికెట్లు, కమలేశ్‌ నాగర్‌కోటి రెండు వికెట్లు తీశారు.
మీ స్నేహితులకు రికమెండ్ చెయ్యండి
