కాస్త టైం దొరికితే ఎవరైనా ఏం చేస్తారు ? సోషల్‌ మీడియా, ఫ్రెండ్స్‌తో బాతకానీ, సినిమాలు ఇలా ఎవరికి తోచింది వారు చేస్తారు. కానీ కొందరు ఫిట్‌నెస్‌ ప్రియులు మాత్రం కొంచెం టైం దొరికినా వ్యాయామం చేస్తుంటారు. జిమ్‌ చేయటం, ఫిట్‌నెస్‌పై కేర్‌ తీసుకోవటం వాళ్లు రోజూ చేసే పని. వ్యాయామం చేయటం కూడా ఫిట్‌నెస్‌కు కేరాఫ్‌. అలాగే వ్యాయామాలు క్రమశిక్షణతో చేయాలంటే మాత్రం జిమ్‌కి వెళ్లాల్సిందే. అలాంటప్పుడు మీరు వెళ్లే జిమ్‌లో అన్ని సదుపాయాలు, సౌకర్యాలు ఉన్నాయో లేదోగమనించుకోవాలి.
జిమ్‌లో చేరడానికి ముందుగా జిమ్‌ ట్రేనర్‌ అర్హుడా కాదాని తెలుసుకోవాలి. శిక్షణ ఇచ్చే ఇన్‌స్ట్రక్టర్‌కు ఫిజికల్‌ ట్రైనింగ్‌ ఇచ్చే అర్హతా పత్రాలు ఉన్నాయో లేదో కనుక్కోవాలి. అతను లేదా ఆమె శిక్షణపరంగా ప్రొఫెషనలిజంతో వ్యవహరిస్తున్నారో చూడాలి. వ్యాయామాలు చేసేటప్పుడు ఏది మంచిది, ఏది కాదు అన్న విషయాలను తమ క్లయింట్లకు ఇన్‌స్ట్రక్టర్‌ చెప్పగలగాలి. శిక్షణ ఇచ్చేముందు జిమ్‌కొచ్చినవారి ఆరోగ్య స్థితిగతులను తెలుసుకోవాలి. వైద్యుని పర్యవేక్షణలో వారిని పరిశీలించి వారి ఆరోగ్య స్థితికి అనుగుణంగా ఎలాంటి వ్యాయామాలు వాళ్లకి మంచివో వాటినే వారిచేత చేయించాలి. అందుకే శరీరారోగ్యానికి సంబంధించి రెగ్యులర్‌ పరీక్షలను చేసే సౌకర్యం ఆ జిమ్‌లో ఉందో లేదో అడిగి తెలుసుకోవాలి.
లీ మీరు వెళ్లే జిమ్‌కి బాగా వెంటిలేషన్‌ ఉందో లేదో గమనించాలి. జిమ్‌ లోపలికి వెలుతురు వస్తోందో లేదో చూడాలి. జిమ్‌ శుభ్రంగా ఉందో లేదో గమనించాలి. వ్యాయామాలకు వాడే పరికరాలు మంచి కండిషన్‌లో ఉన్నాయో లేదో చూడాలి. అలాగే మంచి ఇన్‌స్ట్రక్టర్‌ ఆ జిమ్‌కు ఉన్నారో లేదో అడిగి తెలుసుకోవాలి. మీరు చూసిన జిమ్‌ బాగుందనే నిర్ణయానికి రావడానికి అవసరమైతే రెండు మూడు రోజులు వరుసగా వెళ్లి అక్కడి పరిస్థితులను, శిక్షణా తీరుతెన్నులను పరిశీలి ంచాలి. జిమ్‌ లోపల ఉష్ణోగ్రత కూడా గమనించాలి. జిమ్‌ విశాలంగా ఉందా లేదా చూసుకోవాలి. ఆ జిమ్‌లో వేడి నీళ్లు లభ్యమవుతాయో లేదో అడిగితెలుసుకోవాలి.
లీ జిమ్‌లో శరీర ఫిట్‌నెసకు సంబంధించి ఉపయోగపడే అత్యాధునిక పరికరాలు ఉన్నాయో లేదో గమనించాలి. జిమ్‌లో కార్డియో ట్రైనింగ్‌ మెషీన్స్‌ 50 శాతం, వెయిట్‌ ట్రైనింగ్‌ మెషీన్స్‌ 30 శాతం, బార్‌ బెల్స్‌ అండ్‌ వెయిట్స్‌ 20 శాతం ఉండాలి. అలా వ్యాయామాలకు సంబంధించిన అన్ని రకాల ఎక్విప్‌మెంట్స్‌ మీరు వెళ్లిన జిమ్‌లో ఉన్నాయో లేదో చూసుకోవాలి. పది కార్డియో ట్రైనింగ్‌ మెషీన్లు ఉన్న ఫిట్‌నెస్‌ సెంటర్‌లో కనీసం నాలుగు ట్రెడ్‌మిల్స్‌, రెండు ఇండోర్‌ బైసికిల్స్‌, 3 స్టెప్‌ మిషీన్లు, ఒక రోయింగ్‌ మెషీన్‌ తప్పనిసరిగా ఉండాలి. వెయిట్‌ ట్రెయినింగ్‌కొస్తే లెగ్‌ ప్రెస్‌, పెక్టోరల్‌ మజిల్‌ ప్రెస్‌, బ్యాక్‌ మజిల్‌ మెషీన్‌, షోల్డర్‌ ప్రెస్‌ వంటివి జిమ్‌లో తప్పనిసరిగా ఉండాలి.
లీ ప్రతి ఫిట్‌నెస్‌ సెంటర్‌లో ఫస్ట్‌ ఎయిడ్‌ సదుపాయాలు సైతం అందుబాటులో ఉండాలి. మీరు జిమ్‌లో చేరాలనుకున్నప్పుడు ఈ విషయాన్ని నిర్వాహకులను తప్పనిసరిగా అడిగి తెలుసుకోవాలి. వ్యాయామాలు చేసిన తర్వాత క్లయింట్ల శరీరారోగ్యం, ఫిట్‌నెస్‌ ఎలా ఉందో పరిశీలించేందుకు అవసరమైన హెల్త్‌ ఎక్విపమెంట్లు జిమ్‌లో ఉన్నాయో లేదో గమనించాలి. ఉదాహరణకు జిమ్‌కొచ్చి వ్యాయామాలు చేసే వారి లంగ్‌ కెపాసిటీని తరచూ పరిశీలించాలి. అలాగే ఎముకల బలాన్ని గమనిస్తుండాలి. వారి శరీరంలో ఎంత కొవ్వు ఉందన్నది పరిశీలించాలి. .
లీ అలాగే జిమ్‌లో లేటెస్ట్‌ వ్యాయామాలను కూడాచెప్తారా లేదా తెలుసుకోవాలి. జిమ్‌లో స్విమ్మింగ్‌ పూల్‌ ఉంటే ఇంకా మంచిది. ఈతకొట్టడం వల్ల శరీరానికి మంచి రిలాక్సేషన్‌ వస్తుంది. కఠినమైన వర్కవుట్లు చేసిన తర్వాత ఈత కొడితే శరీరం బాగా టోనప్‌ కూడా అవుతుంది.
