Authorization
Mon Jan 19, 2015 06:51 pm
వ్యాయామం చేయకపోవడం: శారీరక శ్రమ లేకపోవడం పిల్లల మానసిక ఆరోగ్యంపై చెడు ప్రభావాన్ని చూపుతోందని అనేక పరిశోధనలు వెల్లడించాయి. ఇది పిల్లల్లో నిరాశకు కారణమవుతుంది. అలాగే వ్యాయామం చేయకపోవడం వల్ల వారు మానసిక ఒత్తిడికి లోనవుతారు. అందుకే తల్లిదండ్రులు.. పిల్లలు ప్రతి రోజు వ్యాయామం చేసేలా అలవాటు చేయాలి. దీనివల్ల వాళ్ల మూడ్ బాగుంటుంది.
అధిక ఒత్తిడి, ఆందోళన: ఈ రోజుల్లో పెద్దలే కాదు.. పిల్లలు కూడా ఒత్తిడి, ఆందోళనకి లోనవుతున్నారు. అయితే ప్రతి ఒక్కరి జీవితంలో చిన్నపాటి ఒత్తిడి అనేది సహజమే. కానీ చాలా ఎక్కువ, అనియంత్రిత ఒత్తిడి పిల్లల మానసిక ఆరోగ్యానికి హాని చేస్తుంది. ఒత్తిడికి గురైన సమయంలో మెదడు కార్టిసాల్ అనే హార్మోన్ విడుదల చేస్తుంది. ఇది వారు చేసే పనిపై తీవ్ర ప్రభావం చూపుతోంది. అందుకే పిల్లలను ప్రశాంతంగా ఉంచడం మంచింది.
అధిక కోపం: ప్రతి వ్యక్తికి కోపం అనేది ఉంటుంది. ఒక్కొక్కరు ఒక్కో రకంగా కోప్పడుతుంటారు. అయితే కొందరు పిల్లలు అధికంగా కోపాన్ని ప్రదర్శిస్తుంటారు. నియంత్రనలేని కోపం మాససిక ఆరోగ్యాన్ని ప్రభావితం చేస్తుందని పలు పరిశోధనలు చెబుతున్నాయి. ఇది ఆలోచన విధానంపై నెగిటివ్ ప్రభావాన్ని చూపుతోంది. కోపం అనేది ఒక సాధారణ భావోద్వేగమే అయినప్పటికీ.. అధిక కోపం నియంత్రించుకోవడం అనేది చాలా ముఖ్యం.
తగిన నిద్ర లేకపోవడం: నిద్ర అనేది మనిషి శారీరకంగా, మానసికంగా ఆరోగ్యంగా ఉండేలా చేస్తుంది. రాత్రి సమయంలో తగినంత సమయం నిద్రిస్తే ఆ మరసటి రోజు ఉదయం చాలా రిలాక్స్గా, యాక్టివ్గా ఉంటారు. రాత్రి సమయాల్లో పిల్లలకు తగినంత నిద్ర లేకపోతే అది వారి ఆరోగ్యాన్ని ప్రభావితం చేస్తుంది. దీనివల్ల వారు మానసిక సమస్యలు ఎదుర్కొవచ్చు. అందుకే ప్రతి రోజు పిల్లలు 7 నుంచి 8 గంటల సేపు నిద్రపోయేలా చూసుకోవాలి.
నెగిటివ్ ఆలోచనలు: ప్రతి వ్యక్తి ఆలోచన అనేది వారిపై ప్రత్యక్ష ప్రభావాన్ని చూపెడుతుంది. చాలా మంది పిల్లలు నెగిటివ్ ఆలోచనలు కలిగి ఉంటారు. ఇది చాలా చెడ్డ అలవాటు. ఇలా చేయడం వలన నెగిటివ్ ఆలోచన మెదడులో ఒక చోటు క్రియేట్ చేసుకుంటుంది. దీంతో పిల్లలు పాజిటివ్ థింకింగ్కు చాలా దూరంగా ఉండిపోతారు.