Authorization
Mon Jan 19, 2015 06:51 pm
వెల్లుల్లితో ఆరోగ్యం ఒక్కటే కాదు అందం కూడా ఇనుమడిస్తుంది. ముఖ్యంగా ముఖంపై ఇబ్బందిపెట్టే మొటిమలను నివారించడంలో వెల్లుల్లి బాగా పనిచేస్తుంది. ఇది బాక్టీరియాను చంపడానికి సహాయపడే యాంటీ బాక్టీరియల్, యాంటీ ఫంగల్, క్రిమినాశక తత్వాలను కలిగి ఉంటుంది. అలాగే వెల్లుల్లిలో ఉన్న సల్ఫర్ సమ్మేళనాలు పొడిబారేందుకు ఏజెంట్ వలె పనిచేస్తాయి. క్రమంగా మొటిమలను తొలగించడంలో సహాయపడుతుంది.
- వెల్లుల్లిని చిదిమి, దాని నుండి రసాన్ని వేరు చేయండి. దీనిని ఒక శుభ్రమైన గిన్నెలోకి తీసుకుని అందులో, తాజా కలబంద గుజ్జును జోడించి కలపండి. మొటిమలు మీద రాసి 10 నుండి 15 నిమిషాల పాటు అలాగే వదిలివేయండి. తర్వాత నీటితో శుభ్రపరచండి. ఇలా చేయడం వల్ల మొటిమల సమస్య తగ్గుతుంది.
- గుడ్డులోని తెల్లసొనలో చర్మం మీద మతకణాలను తొలగించడంలో, క్రమంగా రంధ్రాలను పూడ్చడంలో సహాయపడే ప్రోటీన్లు, పోషకాలతో నిండి ఉంటాయి. ఒక గిన్నెలో, గుడ్డు నుండి తెల్ల సొనను వేరు చేసి తీసుకోండి. వెల్లుల్లి పేస్ట్, తెల్ల గుడ్డు సొన మిశ్రమంలా కలపండి. మొటిమలు ఉన్నచోట ఈ మిశ్రమాన్ని అప్లై చేయాలి.. ఎండిపోయే వరకు అలాగే వదిలివేయండి. పూర్తిగా పొడిబారాక సాధారణ నీటితో కడిగివేయండి.
- వెల్లుల్లి రెబ్బలను మిక్స్ చేసి అందులో వెనిగర్ కలిపి, మిశ్రమంగా పేస్టులా వచ్చే వరకు కలపాలి. ఈ మిశ్రమాన్ని మొటిమలు ఉన్న చోట రాయాలి. ఈ మిశ్రమాన్ని ఒక కాటన్ బాల్తో అప్లై చేసుకోవచ్చు. అది పూర్తిగా ఆరిపోయే వరకు వదిలేయండి. తర్వాత ముఖాన్ని నీటితో శుభ్రం చేయండి. మంచి ఫలితం కోసం ప్రతిరోజూ ఈ మిశ్రమాన్ని ఉపయోగించవచ్చు.