Authorization
Mon Jan 19, 2015 06:51 pm
లవంగ తులసిలో ఔషధగుణాలు మెండుగా ఉంటాయి. ఆహారపానియాల్లో, ఔషధంగానూ ఈ మొక్కను ఉపయోగిస్తుంటారు. ఈ మొక్కలో ప్రతీ భాగం ఔషధ గుణాలు ఉన్నాయట. వీటి ఆకులను కషాయంగా చేసుకుని తాగితే దగ్గు, జలుబు, ఇతర శ్వాస సంబంధిత సమస్యల నుంచి ఉపశమనం లభిస్తుంది. జీర్ణశక్తిని పెంచడానికి, శరీరంలో శక్తిని పెంచడానికి తోడ్పడుతుంది. కీళ్ల సమస్యలను, రక్త స్రావాలను నిరోధించడానికి ఉపకరిస్తుంది.
తలనొప్పి, పంటి నొప్పి, చెవిపోటు బాధలకు నివారిణిగా కూడా లవంగ తులసి పని చేస్తుంది. పిల్లల ఉదర సమస్యలకు ఇది ఒక మంచి దివ్యౌషధం. దీని విత్తన ఔషధం విరేచనాలు, నరాల బలహీనతలు, మూత్ర సమస్యలు, చంటిపిల్లల్లో వాంతుల నివారణకు పని చేస్తుంది. లవంగ తులసి ఆకుల రసం వీర్యవృద్ధికి, ఎర్రరక్తకణాల పెంపుకు తోడ్పడుతుంది.
కాలేయ వ్యాధుల నివారణకు, కాలేయ పనితనాన్ని మెరుగుపరుచుటకు ఉపయోగపడుతుంది. దోషాలను వికర్షించు శక్తి అధికంగా ఉండటం వల్ల రకరకాల ఉత్పత్తుల్లో దీనిని వాడుతున్నారు. షుగర్ వ్యాధికి తీసుకునే ఔషధాల పనితనాన్ని మెరుగుపరచడానికి ఈ మొక్క ఉపయోగపడుతుంది. ఈ మొక్క నుంచి సుగంధ పరిమళభరితమైన వాసన వస్తుంటుంది. ఇందుకు కారణం యూజెనాల్, మిథైల్ యూజెనాల్, కారియోఫిల్లీన్, సిట్రాల్, కేంఫర్, థైమాల్ వంటి ఎస్సెన్షియల్ ఆయిల్స్ ఉండటమే. ఇటువంటి ఆరోమాటిక్ తైలాల మిశ్రమాలు యాంటిసెప్టిక్గా పని చేస్తాయి.