Authorization
Mon Jan 19, 2015 06:51 pm
వెల్లకిలా పడుకొని రెండు మోకాళ్ళు పొట్టపైకి ఎత్తి రెండు చేతులతో మోకాళ్ళ కింద ఇంటర్ లాక్ చేయాలి. ఇప్పుడు ఆసనంలో ఎలాంటి మార్పు లేకుండా శ్వాసని తీసుకుంటూ లేచి కూర్చోవాలి. శ్వాసని వదులుతూ పడుకోవాలి. ఈ విధంగా పది సార్లు చేయాలి. ఇదే విధంగా శ్వాసని వదులుతూ కుడివైపు తిరగాలి. శ్వాస తీసుకుంటూ మధ్యలోకి రావాలి. శ్వాసని వదులుతూ ఎడమవైపు తిరగాలి. ఈ విధంగా పదిసార్లు చేయాలి.
ఉపయోగాలు..
ఆపాన వాయువు బయటకు వెళ్లిపోతుంది.
మలబద్ధకం సమస్య తీరుతుంది.
పెద్దప్రేగు శుభ్రపడుతుంది
ఊపిరితిత్తులు బాగా పనిచేస్తాయి
వెన్నముక బలపడుతుంది.
మోకాళ్ళనొప్పులు తగ్గుతాయి.
శరీరంలో అదనంగా పేరుకున్న కొవ్వు తగ్గుతుంది.
జాగ్రత్తలు..
గర్భిణీలు ఈ ఆసనం వేయవద్దు
పొట్టకి, కాళ్ళకి సంబంధించిన సర్జరీలు అయినవారు డాక్టర్ సలహాతో, యోగానిపుణుల పర్యవేక్షణలో మాత్రమే ఈ ఆసనం సాధన చేయాలి.
- శ్రీచందన
డిజె ఫిట్నెస్ హబ్
9666665458