Authorization
Mon Jan 19, 2015 06:51 pm
- ఓ అధ్యయనం ప్రకారం ప్రతి వ్యక్తీ తన జీవిత కాలంలో పద హారు సంవత్సరాల పాటు నిద్రలో గడిపేస్తారట. అందుకే పరుపుని కొనేటప్పుడు నాణ్యమైన దాన్ని ఎంపిక చేసు కోవాలి. అయితే మీకు ఎలాంటి పరుపును తీసుకోవాలో తెలుసా?
- నిద్రలేమి సమస్యలను నివారించి, మంచి నిద్ర పొందడానికి సహాయపడే విధంగా పరుపు ఉండాలి. మరీ గట్టిగా ఉండటం మంచిది కాదంటున్నారు పరిశోధకులు. కొన్ని అధ్యయనాల ప్రకారం మరీ మెత్తగా, లేదా మరీ గట్టిగా ఉన్నదాన్ని కాకుండా మధ్యస్థంగా ఉన్న రకాన్ని ఎంపికచేసుకుంటే వెన్ను నొప్పి బెడద ఉండదు.
- మ్యాట్రస్ కొనడానికి వెళ్లే ముందే ఆన్లైన్లో ఒకసారి పరిశోధన చేసుకోవాలి. ఫలితంగా మీకు కొనుగోలు చేయాలనుకున్నప్పుడు ప్రాథమికంగా ఓ అంచనాకు రావొచ్చు. మ్యాట్రసెస్ బ్రాండ్స్ ఎప్పటికప్పుడు కొత్తవి అందుబాటులోకి వస్తున్నాయి. వాతావరణ మార్పులకు అనుగుణంగా వాటి మెత్తదనంతో పాటు మారేటువంటి లక్షణాలను కలిగి ఉంటున్నాయి .
- వ్యక్తి ఎత్తు కంటే కనీసం పది సెం. మీ పొడవు ఎక్కువ ఉన్న దాన్ని ఎంపికచేసుకోవాలి. ఆరు లేదా అంతకంటే ఎక్కువ ఎత్తు ఉన్న కింగ్ సైజ్ మాట్రస్ను ఎంపిక చేసుకోవడం మంచిది. మీరు ఎంపిక చేసుకోవాలను కుంటున్న పరుపు మీ వెన్ను భాగానికి సరైన ఆధారాన్ని అంది స్తున్నదో లేదో గమనించుకోవాలంటే ముందుగా దానిపై వెల్లకిలా పడుకోవాలి. అప్పుడు నడుం వెనుకగా మీ అరచేతిని పోనివ్వండి. మీ చేయి సులభంగా వెళ్తుంటే అది మరీ మెత్తగా ఉన్నట్లు. అలా లేదంటే మరీ గట్టిగా ఉన్నట్లు అర్థం.
- నడుంనొప్పితో బాధపడుతున్నవారికి ఈ రెండు తరహాలు పనికిరావు. ఈ రెండు రకాలకు మధ్యస్థంగా ఉండే పరుపును ఎంపికచేసుకోవాలి. ప్రతి పది సంవత్సరాలకొకసారి పరుపును మార్చేయాలి. మొత్తంగా చూస్తే...సౌకర్యమే పరుపు కొనడానికి ప్రధాన అర్హత.