Authorization
Mon Jan 19, 2015 06:51 pm
ఇన్నర్స్.. ప్రత్యేకించి బ్రాల విషయంలో మహిళలు జాగ్రత్తలు పాటించాలి. తక్కువకు వస్తున్నాయి కదా అని సాధారణమైనవి తీసుకుంటే... అస్సలు బాగోదు. కొద్దిగా ఖరీదు ఎక్కువైనా మంచి బ్రాండెడ్ బ్రాలనే కొంటున్నారు. అలాంటి ఖరీదైన బ్రాలు తొందరగా ఖరాబయితే... చాలా బాధగా ఉంటుంది. అలా కాకుండా కొద్దిగా సమయం వెచ్చించి, మెయింటైన్ చేయగలిగితే... బ్రాలు ఎక్కువ కాలం వస్తాయి. ఆ టిప్స్ మీకోసం.
బ్రాలు సాధారణంగా మూడేండ్లపాటు మన్నికగా ఉంటాయి. బ్రా కొనేటప్పుడు దానిని ఎలా వాష్ చేయాలనే డీటెయిల్స్ ఇస్తారు. వాటిని జాగత్తగా చదివి అలాగే పాటించండి.
ఎమూడుసార్లు ధరించిన తరువాత ఒకసారి చల్లని నీటితో ఉతికేయండి. ఉతికిన తరువాత చాలా మంది వాటిని పిండేస్తుంటారు. అలా అస్సలు పిండకూడదు. ట్విస్ట్ చేయడం వల్ల పాడయిపోతాయి.
- కొన్నికొన్ని సార్లు ఎంత కొత్త బ్రా అయినా.. ధరించిన తరువాత వాషింగ్ మేషీన్లో వేసి తీస్తే చాలు.. హుక్స్ పోతుంటాయి. ఇది చాలా మందికి ఎదురయ్యే సమస్య. ఎందుకంటే వాషింగ్ మెషీన్లో ఉండే చిన్న చిన్న సందుల్లో వీటిని హుక్స్ ఇరుక్కుపోయి... ఆ హుక్స్ విరిగిపోతుంటాయి. అలా కాకుండా ఉండాలంటే... బ్రాస్వాషింగ్ మెషీన్లో వేసేముందు హుక్స్ పెట్టి వేస్తే మంచిది.
- కొద్దిగా శ్రమ అనిపిస్తుంది కానీ బట్టలన్నీ వాషింగ్ మెషీన్లో వేసినా... బ్రాలు మాత్రం చేతుల మీదుగానే ఉతికేయండి. మీరు ఐదు నిమిషాలు వెచ్చించ గలిగితే చాలు... అది ఎక్కువ కాలం మన్నికగా ఉంటుంది. ఎంతో ఖరీదు పెట్టి కొన్నది కాబట్టి.. ఆ మాత్రం సమయం కచ్చితంగా కేటాయించాల్సిందే.
- లేదు ఆ మాత్రం సమయం కూడా దొరకడం లేదంటే.. బ్రా వాషింగ్ బ్యాగ్స్ దొరుకుతున్నాయి. ఆన్లైన్లో దొరికేవన్నీ అవసరమైనవేం కావు అనుకుంటారు చాలా మంది. కానీ.. ఎక్కువ పైసలు పెట్టిన బ్రాలను కాపాడుకోవాలంటే మాత్రం కచ్చితంగా కొనాల్సిందే. ఆ బ్యాగ్లో వేసి.. వాషింగ్ మేషిన్లో వేస్తే సరిపోతుంది.
- ఇన్నర్స్ దాదాపు హౌజెరీ క్లాత్లోనే ఉంటాయి. వాటికి కచ్చితంగా ఎలాస్టిక్ ఉపయోగిస్తారు. అలాంటి వాటిని మురికి, క్రిములు పోవాలని చాలామంది వేడినీటితో ఉతుకుతుంటారు. కానీ... దీనివల్ల ఎలాస్టిక్ పాడువుతుంది. కొద్దికాలానికి బ్రా కూడా పాడైపోతుంది. కాబట్టి.. వేడి నీళ్లు కాకుండా గోరువెచ్చని నీటిని ఉపయోగించండి.
- బట్టలు ఆరబెట్టే డ్రయ్యర్లో కూడా వేయకండి. అందులోని వేడి.. ఎలాస్టిక్తోపాటు.. వైర్స్ను పాడు చేస్తుంది. బ్రా మన్నిక కాలం తగ్గిపోతుంది. బ్రాలు ఉతకడానికి మైల్డ్ డిటర్జెంట్ ఉపయోగించండి. బ్లీచ్ అస్సలు వేయకూడదు. ఇది బ్రాలోపలి వైర్ను, ఫ్యాబ్రిక్ను పాడు చేస్తుంది.