Authorization
Mon Jan 19, 2015 06:51 pm
కొన్ని చిన్న చిన్న చిట్కాలే ఆశ్చర్యపరిచేలా పనికొస్తాయి. ఇంటిని శుభ్రం చేసుకోవడంలో అలాంటి చిట్కాలను ఫాలో కావడం అవసరం కూడా. మీరు కూడా వీటిని ఫాలో అయిపోయి చూడండి.
కిచెన్ క్యాబినెట్ ..
కిచెన్ క్యాబినెట్పై దుమ్ము పేరుకుపోవడం గమనిస్తుంటారు. ముఖ్యంగా హ్యాండిల్స్ దగ్గర జిడ్డు వదలకుండా ఉంటుంది. ఈ జిడ్డు వదలాలంటే చాలా సింపుల్. బేకింగ్ సోడా తీసుకుని అందులో కొంచెం హైడ్రోజన్ పెరాక్సైడ్ వేసి తుడవండి. మ్యాజిక్ మాదిరిగా జిడ్డంతా వదిలి కొత్తదానిలా అవుతుంది.
ఫ్యాన్ శుభ్రం చేయాలంటే...
సీలింగ్ ఫ్యాన్ శుభ్రం చేయాలంటే ఎవరికైనా చికాకే. అయితే ఆ ఇబ్బందేమీ లేకుండా క్లీన్ చేయాలంటే పాత దిండు కవర్ తీసుకుని ఫ్యాన్ రెక్కలకు తొడగాలి. తరువాత కర్రతో తుడవాలి. మీ ముఖంపై దుమ్ము పడే అవకాశం ఉండదు. సులభంగా, వేగంగా క్లీన్ అవుతాయి.
ఐరన్ బాక్స్ క్లీనింగ్
ఐరన్ బాక్స్పై జిడ్డు పేరుకుపోయిందా? అయితే పిల్లో కవర్పై కొంచెం సాల్ట్ వేసి ఐరన్ చేయండి. ఉప్పు ఐరన్బాక్స్కు ఉన్న జిడ్డును మొత్తం తొలగిస్తుంది.
వాటర్ట్యాప్లు మెరవాలంటే...
వాడుతున్న కొద్దీ వాటర్ట్యాప్లపై జిడ్డు పేరుకుపోవడం చూస్తుంటాం. అయితే వాటిని నిమ్మకాయను కట్ చేసి ఆ ముక్కతో రబ్ చేసినట్టుగా తుడిస్తే కొత్తవాటిలా మెరుస్తాయి.
టేబుల్పై మరకలు పోవాలంటే...
డైనింగ్ టేబుల్పై మరకలన్నీ పోవాలంటే అరకప్పు వెనిగర్ తీసుకుని అందులో అరకప్పు ఆలివ్ ఆయిల్ వేసి ఆ మిశ్రమంతో తుడవాలి. టేబుల్పై ఉన్న ఎటువంటి మరకలైనా తొలగిపోతాయి.