Authorization
Mon Jan 19, 2015 06:51 pm
మనకున్న స్నేహితుల జాబితాలో కొందరు మనకు సన్నిహితం అయితే, మరికొందరు హారు, హలో చెప్పుకునే బందమే ఉంటుంది. ఈ రెండు వర్గాలు సరే.. అసలు మన జీవితంలో ఎలాంటి స్నేహితులు ఉండాలో తెలుసా..
వ్యక్తిగత విషయాలు పంచుకునేందుకు: ఇలాంటివారు కనీసం ఒక్కరయినా మనకు ఉండాలి. వాళ్లతో మనం వాదించొచ్చు, గొడవపడొచ్చు, వ్యక్తిగత విషయాలెన్నో మాట్లాడుకోవచ్చు. అంటే తను మన కుటుంబంలో ఓ భాగం కావాలి. మన జీవితానికి సంబంధించిన ప్రతి విషయాన్ని, మనం తీసుకునే నిర్ణయాన్ని తనకు తెలియజేసేలా ఉండాలి. సలహాలు ఇచ్చేందుకు: ఈ కోవకు చెందిన స్నేహితురాలు అన్నీ తెలిసినదై ఉండాలి. అంటే తన ఆలోచనా పరిధి
విస్తతంగా ఉండాలి. మీకు ఏ చిన్న సాయం కలిగినా తను చేయగలిగినదై ఉండాలి. ఏదయినా ఓ సమస్య వస్తే.. తను ఉంది కదా అనే ధైర్యం మీలో ఉండాలి.
సరదాగా నవ్వుకునేందుకు: కొందరు మాట్లాడితే హాయిగా నవ్వుకోవచ్చు. కొన్నిసార్లు వాళ్ల మాటల వల్ల ఇబ్బంది కలిగినా సరే.. హాయిగా నవ్వుకునే ప్రయత్నం చేయొచ్చు. ఏ కష్టంలో ఉన్నా కూడా ఇలాంటి వాళ్లతో కాసేపు మాట్లాడితే హాయిగా అనిపించేలా ఉండాలి.
సంగీతం ఇష్టపడేవారు: మనం ఏ మాత్రం బాధలో ఉన్నా.. ఈ తరహా స్నేహితులు మన మూడ్ని పెంచేందుకు సరైన సలహా ఇస్తారు. అప్పుడప్పుడూ పాటలు పాడుతూ మానసిక సాంత్వననూ అందిస్తారు.
వయసులో చిన్నవారు, పెద్దవారు: మీ అనుభవాలు చిన్నవాళ్లతో పంచుకోవచ్చు. అదే సమయంలో వాళ్లు అనుసరించే ఫ్యాషన్లూ, ఆధునిక సాంకేతికత గురించి తెలుసుకోవచ్చు. మనల్ని మనం మార్చుకునే ప్రయత్నం చేయొచ్చు. ు