Authorization
Mon Jan 19, 2015 06:51 pm
జగపతిబాబు ప్రధాన పాత్రధారిగా, రామ్ కార్తీక్, అమ్ము అభిరామి యువ జంటగా రూపొందుతున్న చిత్రం 'ఫాదర్-చిట్టి-ఉమ- కార్తీక్'. టైటిల్లోని మరో ప్రధాన పాత్ర చిట్టిగా బేబి సహశ్రిత నటిస్తోంది. శ్రీ రంజిత్ మూవీస్ నిర్మిస్తున్న 14వ చిత్రమిది. ఈ చిత్రానికి విద్యాసాగర్రాజు దర్శకత్వం వహిస్తున్నారు. షార్ట్కట్లో ఈ సినిమా 'ఎఫ్సీయూకే'గా పాపులర్ అయ్యింది. ఫిబ్రవరి 12న ఈ చిత్రాన్ని విడుదల చేయడానికి సన్నాహాలు జరుగుతున్నాయి. ఈ విషయాన్ని ఎనౌన్స్ చేసేందుకు సోమవారం రామానాయుడు స్టూడియోస్లో చిత్ర బందం మీడియా సమావేశాన్ని నిర్వహించింది. తొలుత సోమవారం ఉదయం కన్నుమూసిన ప్రముఖ నిర్మాత, పంపిణీదారుడు వి. దొరస్వామిరాజుకు నివాళ్ళు అర్పిస్తూ చిత్ర బృందం రెండు నిమిషాలు మౌనం పాటించింది.
తర్వాత నిర్మాత దామోదర్ ప్రసాద్ మాట్లాడుతూ, 'ఎఫ్సీయూకే' టైటిల్ చూసి కొంతమంది వేరే అర్థం వస్తుందని అన్నారు. అందరికీ ఒక విషయం స్పష్టం చేయదలచుకున్నా. శ్రీ రంజిత్ మూవీస్ ఎప్పుడూ, ఎవరూ తలదించుకొనే సినిమాలు తియ్యదు. సినిమా అనేది వ్యాపారమైనప్పటికీ కొన్ని విలువలతో సినిమాలు తీస్తూ వస్తున్నాను. 'ఎఫ్సీయూకే' కూడా అట్లాంటి సినిమానే. ఫిబ్రవరి 12న సినిమాని విడుదల చేస్తున్నాం. అలాగే మేం నిర్మించిన 'అలా మొదలైంది' చిత్రం విడుదలై ఈనెల 21కి పదేళ్లు పూర్తి చేసుకుంటోంది. నా లైఫ్లో ఆ సినిమా ఓ ట్యాగ్లైన్లా మారిపోయింది' అని చెప్పారు.
జగపతిబాబు మాట్లాడుతూ, 'దాము (దామోదర్ ప్రసాద్) మంచి టేస్ట్ ఉన్న ప్రొడ్యూసర్. విద్యాసాగర్ రాజు కన్విక్షన్ ఉన్న డైరెక్టర్. ఈ సినిమాని చాలా బాగా తీశారు. ఈ సినిమాలో నా పాత్ర గురించి వెల్లడైన విషయాలు చూసి, 'ఇది నీ కథా?' అని కొంతమంది అడుగుతున్నారు. పిల్లలకు ఆటలు కావాలి, యూత్కు రొమాన్స్ కావాలి, మాకు అన్నీ కావాలి. ఈ సినిమాలో అవన్నీ ఉంటాయి' అని చెప్పారు.
డైరెక్టర్ విద్యాసాగర్ రాజు మాట్లాడుతూ, 'ప్రేక్షకులు సినిమాని చూసి ఆదరిస్తారని ఆశిస్తున్నా. ఇది బాగా ఎంటర్టైన్ చేసే సినిమా' అని అన్నారు. 'ఈ సినిమా సంక్రాంతికి విడుదల కానందుకు బాధగా ఉన్నా, ఫిబ్రవరి 12న రిలీజ్ అవుతున్నందుకు ఆనందంగా ఉంది. ఎందుకంటే ఆ రోజు జగపతిబాబు బర్త్డే, దాముగారి బర్త్డే. జగపతిబాబుతో స్క్రీన్ షేర్ చేసుకోవడం చాలా హ్యాపీ. ఆయన ఇచ్చిన ప్రోత్సాహం, సూచనలు మరవలేను' అని హీరో రామ్ కార్తీక్ అన్నారు. ఈ కార్యక్రమంలో సినిమాటోగ్రాఫర్ శివ జి., సహనిర్మాత యలమంచిలి రామకోటేశ్వరరావు, ఎగ్జిక్యూటివ్ ప్రొడ్యూసర్ శ్రీకాంత్రెడ్డి పాతూరి, లైన్ ప్రొడ్యూసర్ వాసు పరిమి, ఇతర యూనిట్ మెంబర్స్ పాల్గొని చిత్ర విజయాన్ని ఆకాంక్షించారు.