Authorization
Mon Jan 19, 2015 06:51 pm
నితిన్, కీర్తి సురేష్ తొలి కాంబినేషన్లో ప్రసిద్ధ చలన చిత్ర నిర్మాణ సంస్థ సితార ఎంటర్ టైన్మెంట్స్ నిర్మిస్తున్న చిత్రం 'రంగ్ దే'. 'తొలిప్రేమ', 'మజ్ను' వంటి ప్రేమ కథా చిత్రాలను వెండితెరపై వైవిధ్యంగా ఆవిష్కరించిన దర్శకుడు వెంకీ అట్లూరి దర్శకత్వంలో ఈ చిత్రాన్ని నిర్మాత సూర్యదేవర నాగవంశీ నిర్మిస్తున్నారు. పి.డి.వి.ప్రసాద్ చిత్ర సమర్పకులు. నేడు (సోమవారం) చిత్ర కథానాయకుడు నితిన్ పుట్టినరోజు సందర్భాన్ని పురస్కరించుకుని ఆదివారం 'రంగ్ దే' చిత్ర మోషన్ పోస్టర్ను చిత్రబృందం విడుదల చేసింది. చిత్ర నాయకా నాయికలైన అను, అర్జున్ (నితిన్, కీర్తి సురేష్) పాత్రలను పరిచయం చేస్తూ ముస్తాబైన ఈ మోషన్ పోస్టర్ ఆద్యంతం ఆకట్టుకుంటోంది.
నితిన్, కీర్తి సురేష్ జంటగా నటిస్తున్న ఈ చిత్రంలో సీనియర్ నటుడు నరేష్, వినీత్, రోహిణి, కౌసల్య, గాయత్రి రఘురామ్, బ్రహ్మాజీ, వెన్నెల కిషోర్, సత్యం రాజేష్, అభినవ్ గోమటం, సుహాస్, మాస్టర్ రోనిత్ తదితరులు నటిస్తున్నారు. ఈ చిత్రానికి డి.ఓ.పి.: పి.సి.శ్రీరామ్, సంగీతం: దేవిశ్రీ ప్రసాద్, కూర్పు: నవీన్ నూలి, కళ: అవినాష్ కొల్లా, అడిషనల్ స్క్రీన్ ప్లే : సతీష్ చంద్ర పాశం, ఎగ్జిక్యూటివ్ ప్రొడ్యూసర్:ఎస్.వెంకటరత్నం (వెంకట్), సమర్పణ: పి.డి.వి.ప్రసాద్, నిర్మాత:సూర్యదేవర నాగవంశీ, రచన,దర్శకత్వం: వెంకీ అట్లూరి.