ఉరుకులు పరుగుల జీవితం వల్ల చాలామందికి తలకు నూనె పెట్టుకునే తీరికే ఉండటం లేదు. దానికి తోడు తలకు నూనె పెట్టడం వల్ల ముఖం జిడ్డుబారి అంద విహీనంగా కనిపిస్తామంటూ మరికొందరు కొబ్బరి నూనె ఊసే ఎత్తడానికి చిరాకుపడతారు. కానీ దాని విలువ తెలిస్తే మాత్రం ఆలోచనల్లో మార్పు తెచ్చుకోవడం ఖాయమని నిపుణులు అంటున్నారు. ఎ తలకు తరచూ నూనె పట్టించి మర్దన చేయడం వల్ల కాల క్రమంలో ఫలితాలు అద్భుతంగా ఉంటాయి. తల వెంట్రుకలు తెల్లబడకుండా ఉండటంలో కొబ్బరినూనె పాత్ర మరిచిపోలేనిది.శాస్త్రీయంగా రుజువు కానప్పటికీ తలకు క్రమం తప్పకుండా కొబ్బరి నూనె రాయడం వల్ల చిన్న వయసులోనే వెంట్రుకలు నల్లపడకుండా నిరోధించవచ్చు. తలకు నూనె పెట్టడం వల్ల మాడు చల్లపడుతుంది. జుట్టు బలంగా పెరుగుతుంది. అంతేకాదు తలకు సంక్రమించే ఫంగల్, చుండ్రు సమస్యల నుండి కూడా కొబ్బరినూనె కాపాడుతుంది. ఎ తలకు క్రమంగా నూనె దట్టించడం వల్ల అది కాలుష్యం నుండి మన తలను కాపాడుతుందనే సంగతి చాలా మందికి తెలియదు. ముఖాన్ని ఎప్పటికప్పుడు కడుక్కున్నట్లు తలను రోజులో మూడు నాలుగు సార్లు కడగడం కుదరని పని. అదే నూనె రాయడం వల్ల, అది వెంట్రుకలపై ఒక పొరలా ఏర్పడి కాలుష్య కారకాల వల్ల జుట్టు పాడవకుండా కాపాడుతుంది. అతి నీలలోహిత కిరణాల భారి నుండి కూడా కాపాడుతుంది. ఎ వేడి వాతావరణం నుండి మన తలను కొబ్బరినూనె కాపాడుతుంది. అంతే కాదు, రెగ్యులర్గా నూనె పట్టించడం వల్ల కుదుళ్లు బలపడతాయి. బలంగా పెరుగుతాయి. మీ జుట్టు పొడిబారిపోతుంటే తలకు నూనె పట్టించి, వేడి నీటిలో ముంచిన తువ్వాలును ముంచి నీటిని పిండిన తరువాత దాన్ని తలకు చుట్టుకోండి. కొద్ది సేపటి తరువాత నూనె మీ పొడిబారిన జుట్టు కుదుళ్లలోకి వెళ్లి పరిస్థితిలో మార్పు వస్తుంది. తలకు నూనె పట్టించడం వల్ల రక్తప్రసరణ మెరుగవుతుంది. దాని వల్ల జుట్టు రాలడం ఆగిపోతుంది. అంతాకాదు జట్టు ఆకర్షణీయంగా, నల్లగా మారుతుంది.