Authorization
Mon Jan 19, 2015 06:51 pm
''In thinking about India's future, we must keep this historical context in mind. Barring a period of 200 years, India has been a large contributor to the global output. Now that India has opend its economy, introduced numerous pro- growth reforms and created a large GDP base,it can aspire to return to the prominent position it enjoyed in the global economy for better part of last two millennia.''
ARAVIND PANAGARIYA
(India Unlimited గ్రంథం నుండి)
చదువు పూర్తయినాక యువతీయువకుల్లో ఉద్యోగాన్వేషణ మొదలవుతుంది.డిప్లమానో, డిగ్రీనో, శిక్షణా పత్రాన్నో చేతబట్టుకొని ఉపాధి కోసం యువత రోడ్డెక్కుతారు. అది టెంపరరీనా పర్మినెంటా అనేది వీళ్లకు అప్రధానం. ఏదో ఒక ఖాళీలో చేరిపోవడం వీళ్ల ముందున్న సవాలు. ఈ ఒత్తిడిలో జీతభత్యాలు పనివేళలు ఏమిటన్నది కూడా పట్టభద్రులు పెద్దగా పట్టించుకోరు. తాము దరఖాస్తు చేసుకునే ఉద్యోగానికి ఎంతో మంది పోటీ పడటాన్ని ముందుగానే అభ్యర్థులు గ్రహిస్తారు. ఇతరుల కంటే తాము ఎందులో ఎక్కడ ఎంత మెరుగో ప్రకటించడానికి ప్రతి అభ్యర్థి దరఖాస్తుతో పాటు 'సంక్షేపాన్ని (రెజ్యూమ్) జత చేస్తుంటాడు. సామాజిక నేపథ్యం, విద్యార్హతలు, నైపుణ్యాలు, అనుభవం మొదలైనవన్నిటినీ రెజ్యూమ్ నిశితంగా తెలియపరుస్తుంది. ఉద్యోగాల భర్తీలో తాము ధ్రువీకరించే రెజ్యూమే అభ్యర్థులకు అవకాశాలను సష్టిస్తుంది. అభ్యర్థుల సామర్థ్యాలపై యాజమాన్యాలు ఒక అంచనాకు రావడానికి రెజ్యూమ్ ప్రాథమిక రుజువు. నియామక ప్రక్రియలో మూడు అంచెలు వుంటాయి. మొదటిది దరఖాస్తుల పరిశీలన-అర్హుల జాబితా. రెండోది ఇంటర్వూ నిర్వహణ. మూడోది ఎంపిక-నియామక ఉత్తర్వులు. అనేక మంది పోటీ పడుతున్న దరిమిలా తమకు కావాల్సిన అభ్యర్థులను ఏదో ఒక పద్ధతిన వడపోస్తుంటాయి ఆయా సంస్థలు. అభ్యర్థి డిగ్రీలో పొందిన మార్కులు, ఇతర అర్హతల కంటే కూడా అభ్యర్థులకుండే 'స్కిల్ సెట్ (నైపుణ్య సముదాయం)'కే కంపెనీలు ఉద్యోగి ఎంపికలో ప్రాముఖ్యతనిస్తాయి. అందుకనే పని నైపుణ్యాల ప్రమాణాలకోసం, అభివ్యక్తీకరణ నైపుణ్యాలు పెంపొందడం కోసం యువకులు శిక్షణ కోసం వివిధ సంస్థలను ఆశ్రయిస్తుంటారు. విలువైన సమయాన్ని, అధిక మొత్తంలో డబ్బును సైతం వెచ్చిస్తుంటారు. కొన్ని సార్లు ఉద్యోగంలో చేరిన తర్వాత కూడా వత్త్యంతర శిక్షణకు కంపెనీలు పంపిస్తుంటాయి. జీతభత్యాల పెంపు, పదోన్నతి, బదిలీ మొదలైనవి కూడా స్కిల్ సెట్ ఆధారంగానే నిర్ణయింప బడతాయి. ప్రపంచీకరణ అనంతర పరిణామాల్లో జీవన ప్రమాణాలను జీతభత్యాలు నిర్ణయిస్తున్నాయన్న విషయం మనందరికీ తెలిసిందే. మంచి ఉద్యోగం, మంచి జీతభత్యాలు, మంచి సంస్థ, మంచి స్థలం అనేవి అభ్యర్థి పనితీరు మీద ఆధారపడి ఉన్నాయి. అందుకే నైపుణ్యాల అభివద్ధిలో శిక్షణ పొందడం నిరుద్యోగులకే కాదు ఉద్యోగులకు సైతం అవసరమే.
మనదేశ చరిత్రలో మొదటిసారి పదకొండో పంచవర్ష ప్రణాళిక (యుపిఏ I,II ప్రభుత్వం 2007-2012) యువతకు కావాల్సిన వత్తి నైపుణ్యాలపై దష్టి సారించింది. తత్ఫలితంగానే 2010 జాతీయ నైపుణ్యాభివద్ధి సంస్థ (NSDC) ఏర్పాటైంది. వత్తి ప్రమాణాల కోసం విద్యావిధానంలో కీలక మార్పులు అనుసంధానించ బడ్డాయి. కొనసాగింపుగా ప్రస్తుత కేంద్ర రాష్ట్ర ప్రభు త్వాలు సైతం యువతకు శిక్షణ ఇచ్చేందుకుTASK (Telangana Academy for Skill and Knowledge), PM KVY(Pradhan Mantri Kaushal Vikas Yojana)ల ద్వారా నైపుణ్యాభివద్ధి కార్యక్రమాలను పెద్ద ఎత్తున రూపొందించాయి. యువత మొత్తాన్ని గొప్ప వర్క్ ఫోర్స్గా మార్చే దిశగా ఇప్పుడు 'Skill India' కార్యాచరణ ప్రారంభించింది. ఐనా అరకొర వసతుల్లో కొట్టుమిట్టాడే అల్పాదాయ వర్గాలు, మధ్యతరగతి గ్రామీణ యువత నైపుణ్యాభివద్ధిని అందిపుచ్చుకోవడంలో వ్యవస్థా గతంగా అనేక ప్రతికూలతలను ఎదుర్కొంటున్నారు. ఇట్లాంటి నిరుద్యోగ యువబందాలు, అసంఘటిత రంగంలో పనిచేసే ఉద్యోగ వర్గాలు వాళ్లకు వాళ్లుగా పని సామర్థ్యాలను నైపుణ్యాలను పెంపొందించుకోవడానికి సంబంధించిందే 'నైపుణ్యాభివద్ధి (Self Skill Building)' ప్రక్రియ. ఇందులో ఏ అభ్యర్థి అయినా మరొకరి అవసరం లేకుండానే తనకు తానుగా నైపుణ్య నిర్మాణం చేసుకోవచ్చు. ఈ రంగంలో చికాగోకు చెందిన అమండా ఇలియట్ కషిచేస్తున్నారు. స్వీయ నైపుణ్యాభివద్ధికి ఆరు మార్గాలను ప్రతిపాదిస్తూ ''6 Ways You Can Build Without Ask Anyone for Help'' అంటున్న అమండా ఇలియట్ మార్కెటింగ్ నిపుణురాలు, రచయిత్రి windycity cosmo బ్లాగ్ నిర్వాహకురాలు. బతకడానికి ఎంచుకునే ఏ వత్తిలోనైనా మనం అనుసరించే అభ్యాసమే మన స్థాయిని నిర్ణయిస్తుందనే వాదనను యువత ముందుపెడుతూ అమండా ఇలియట్ ''No one can make you feel inferior without your consent'' అనే ఎలియనార్ రూజ్వెల్ట్ సూక్తిని తరచుగా గుర్తుచేస్తుంటుంది.
స్వీయ నైపుణ్యాభివద్ధికి అమండా సూచించిన ఆరు సోపానాల్లో మొదటిది :
గ్రంథ పఠనం లేదా శ్రవణం (Read or listen). పఠన కార్యక్రమం మౌలికమైంది, పలు గ్రంథాలను, జర్నల్స్ను, బ్లాగులను చదవడం ద్వారా, వివిధ వేదికల నుంచి ప్రముఖుల ఉపన్యాసాలు వినడం ద్వారా వ్యక్తి వికాసానికి కావాల్సిన ప్రేరణ లభిస్తుంది. ప్రేరణే వ్యక్తి కెరీర్ను నిర్ణయిస్తుంది, మలుపు తప్పుతుంది. జీవితంలో ఆయా సందర్భాల్లో ఎదురయ్యే సంఘర్షణలను తట్టుకొని ముందుకు వెళ్లడానికి, అనేక మలుపుల దగ్గర జీవితం ఉపదేశించే కర్తవ్యాలను భుజాన వేసుకోవడానికి ప్రేరణ ఇంధనంలా పని చేస్తుంది.
ఒక సామాజిక నడవడికను పుస్తకాలు ఎరుకజేస్తే, ఒక సమాజం తన భావప్రకటనకు వాహిక చేసుకున్న భాషలో అంతర్లీనంగా దాగివున్న శక్తినంతా పబ్లిక్ స్పీకర్స్, థాట్ లీడర్స్ ఉపన్యాసాలు దోసిట పెడతాయి.TED,OWN, Conan, The Tonight Show, Chattyman, The View, The Magic Hour, Off The Record, Today, The Talk, This morning లాంటి అంతర్జాతీయ టాక్ షోలు మొదలుకొని మన దేశంలో ప్రసారమయ్యే 'కాఫీ విత్ కరణ్, నీయా నానా, ది అనుపమ్ ఖేర్ షో, జీనా ఇసీ కా నామ్ హై, ఐసే నహీ చలేగా, ఆప్ కి అదాలత్,లాల్ సలాం, బజ్ ఫీడ్, సత్యమేవ జయతే, స్త్రీ శక్తి, వురు ద పీపుల్, మార్గదర్శి, ప్రతిధ్వని, మేము సైతం, జయప్రదం, ఓపెన్ హార్ట్ విత్ ఆర్కే,' వంటి జాతీయ ప్రాంతీయ మీడియా ప్రాయోజిత కార్యక్రమాలు ఆయా సామాజికాంశాలతో పాటు, వ్యక్తుల మనోభావాలు, సహజ సంభాషణ, భాషణ వైవిధ్యం, పాపులర్ సంస్కతి యాసలను ప్రతిభావంతంగా అందిస్తున్నాయి.
రెండో సోపానం : ఏదైనా ఒక సంస్థలో సభ్యుడిగా చేరడం (Join in a professional organisation). ప్రొఫెషనల్ ఆర్గనైజేషన్లో చేరడం వల్ల బహుళ ప్రయోజనాలుంటాయి. వత్తగత అభివద్ధికి దోహదంచేసే బలమైన ప్రజాసంబంధాలు, సామాజిక సంబంధాలు ప్రొఫెషనల్ ఆర్గనైజేషన్లో పుష్కళంగా అందుబాటులో ఉంటాయి. ఒంటరిగా ఎక్కడో అనామకంగా ఉండేబదులు దగ్గర్లోని ఏదేని ఒక వత్తిసంస్థలో సభ్యుడిగా చేరడం ద్వారా ఆ సంస్థలోని సభ్యులతో పాటు ఆ సంస్థతో అనుబంధంగల సంస్థల మొత్తం ఉద్యోగుల పని నైపుణ్యాలను ఆలోచనా విధానాన్ని ఆకళింపు చేసుకోవచ్చు. వర్క్ డిస్ట్రిబ్యూషన్, వర్క్ ఎఫిసియెన్సీ, వర్క్ మేనేజ్మెంట్ మొదలైన అంశాలను కూలంకషంగా అధ్యయనం చేయవచ్చు.
మూడో సోపానం: తరగతుల్లో పాల్గొనడం-నిర్వహించడం (Take Classes). ప్రస్తుత కాలాన్ని ఇన్ఫర్మేషన్ టెక్నాలజీ పరిభాషలో 'స్వయం చలనం యుగం (Age of automation)'అంటున్నాం.
ఇంటర్నెట్ ఇవాళ అందరికీ అందుబాటులో వుంది. జూమ్ మీట్, గూగుల్ మీట్, ఫేస్ బుక్ వేదికలుగా అనేక అంశాలు ఆన్లైన్ తరగతుల్లో బోధించబడుతున్నాయి. వీటిల్లో పాల్గొనడం, తరగతులను నిర్వహించడం ద్వారా విషయగ్రహణ, విషయ విస్తరణ, విషయ విశ్లేషణా సామర్థ్యాలు అలవోకగా అలవడతాయి. iTunes U, Skill share, lynda,Courseraలాంటి అనేక ప్లాట్ఫాంలే కాకుండా గ్లోబల్ నెట్వర్క్ సామర్థ్యంతో వివిధ విశ్వవిద్యాలయాలు, అకడమిక్ సంస్థలు, పత్రికలు ఉచితంగా అందించే ఆన్లైన్ తరగతులను వినవచ్చు. అంతేకాకుండా నేరుగా ఒక పాఠశాలలోనో, ట్యుటోరియల్లోనో మెంటర్గా చేరి విద్యార్థులకు బోధించడం ద్వారా విధినిర్వహణపై పూర్తి అవగాహన ఏర్పడుతుంది.
నాల్గో సోపానం : తాము పనిచేయదలుచుకున్న రంగానికి సంబంధించిన గోష్ఠులు, సమావేశాల్లో కార్యశాలల్లో, conclaves , meet లలో పాల్గొనడం (Attend Events). ఆయా పారిశ్రామిక సంస్థలు, వాణిజ్య సంఘాలు, విద్యా వైజ్ఞానిక సంఘాలు, స్వచ్ఛంద సంస్థలు తమ వార్షికోత్సవాలు, వత్త్యంతర శిక్షణా కార్యక్రమాలు, డెవలప్మెంట్ డైలాగ్ నిర్వహిస్తుంటాయి. వీటిల్లో సభ్యుడిగానో, సమన్వయకుడిగానో పాల్గొనడం వలన యాక్టివ్నెస్ అలవడుతుంది. ఆయా కంపెనీల మేనేజింగ్ డైరెక్టర్లు, సిఇఓలు, హెచ్ఆర్ మేనేజర్లు హాజరయ్యే ఈవెంట్లలో పాల్గొనడం వలన పారిశ్రామిక రంగంలో కొత్తకొత్త సంస్థాపనల వివరాలు, మార్కెట్ టర్నోవర్, బ్రేక్ ఈవెన్, ప్రోత్సాహకాలు, పదోన్నతులు, ఉద్యోగ భద్రత మొదలైన అంశాల పట్ల క్షుణ్ణమైన అవగాహన ఏర్పడుతుంది. ముఖ్యంగా ఆయా కార్యక్రమాల స్పాన్సర్లతో పరిచయాలు బాగా పెరుగుతాయి.
ఐదో సోపానం : పరిశీలనా దష్టి (Look around your office). ఏదైనా ఒక సంస్థ నష్టాల్లోనో, సంస్థాగత ఇబ్బందుల్లోనో ఉన్న సందర్భంలో ఆ నష్టాలను, కష్టాలను దగ్గరగా పరిశీలించడం ఎంతో అవసరం. ఆ సంస్థలో పని చేస్తున్న సభ్యుల మధ్య సమన్వయం ఎట్లా వుంది? అస్సైన్మ్ంట్ లో టీమ్గా ఏ మేరకు కతకత్యులైనారు? ఏయే లోపాల కారణంగా సంక్షోభం ఏర్పడింది? టార్గెట్ రీచింగ్ ఎందుకని తప్పింది? ఇట్లాంటి క్రైసిస్ను మొత్తం అధ్యయనానికి సంస్థ లోపల ఉండి లేదా సంస్థ సమీపంలో ఉంటేనే వీలుంటుంది. అడ్వైజరీ బోర్డు సభ్యులను కలిసి సంస్థ ఉద్ధరణకు ఉద్దీపనకు గల అవకాశాలను శోధించగలగాలి. అవసరమైతే కంపెనీ బ్లాగులో సజనాత్మక ఆలోచనలను పంచుకోవాలి. కాఫీ, లంచ్ సమావేశాలల్లో ప్యానల్ డిస్కషన్స్లో చొరవతో ప్రారంభించాలి. ట్రబుల్ మేకర్గా కాకుండా ట్రబుల్ షూటర్గా సంస్థను కాపాడి సుస్థిరతను తెచ్చిపెట్టగల టీంకు నాయకత్వం వహించగల సత్తా ఈ సోపానం ఇస్తుంది.
ఆరో సోపానం : స్వచ్ఛంద కార్యకర్త (Volunteer) గా మారిపోవడం. పని చేసే సంస్థకు సరిపడా ఉద్యోగికి అనుభవం లేనప్పుడు, ఉద్యోగి సామర్థ్యాలను సంస్థ వాడుకునే అవకాశం లేనప్పుడు వెంటనే తన అవసరం ఉన్నచోటకు మారిపోవాలి. వీలుంటే ఏదైనా ఒక స్వచ్ఛంద సంస్థలో కార్యకర్తగా చేరిపోవాలి. ఒక్కో స్వచ్ఛంద సంస్థకు ఒక్కో పని విధానం, స్టైల్ షీట్ వుంటాయి. తదనుగుణంగా అడిషనల్ బ్యాండ్విడ్త్ను అందిపుచ్చుకొని చురుకైన స్వచ్ఛంద కార్యకర్తగా, స్వచ్ఛంద కార్యక్రమాల వ్యవహర్తగా రూపొందించేందుకు ఈ సోపానం తోడ్పడుతుంది. వాల్ స్ట్రీట్ జర్నల్ ఇటీవల పేర్కొన్నట్టు ప్రపంచ వ్యాప్తంగా 67% మిడిల్ స్కిల్ జాబ్స్ చేస్తున్న సిబ్బందికి పని నైపుణ్యాలు అవసరమైన ఉన్న నేపథ్యంలో కొత్తగా ఉద్యోగాన్వేషణ ప్రారంభిస్తున్న యువత ముందుగానే నైపుణ్యాలను అలవర్చుకోవాల్సివుంది.
''నైపుణ్యాభివద్ధి అనేది ఉపాధి సంస్థ బాధ్యత కాదు.మంచి పనితీరు కోసం, సత్ఫలితాల కోసం, నీకంటూ నువ్వు కలగనే రంగంలో నిష్ణాతుడిగా ఎదగడం కోసం , నీతో పాటు నువ్వు పనిచేసే సంస్థ ఉత్తమమైందిగా సమాజంలో ఖ్యాతిగాంచడం కోసం ప్రణాళికా బద్ధంగా అహర్నిశలు శ్రమిస్తూ 'స్కిల్ సెట్'ను నిర్మించుకోవాలి. ఇందుకు నీకు నువ్వే వనరుగా ప్రేరణగా ముందుకు సాగాలి'' అంటూ అమండా ఇలియట్ చెప్పిన ఈ ఆరు స్వీయ నైపుణ్యాభివద్ధి మార్గాలను యువతీయువకులు అనుసరిస్తేనే మన దేశానికి స్వయం సమద్ధి, సాధికారత అన్నింటా సాధ్యం.
- డా.బెల్లి యాదయ్య,
9848392690