What just happened?! Jake Weatherald somehow got run out at both ends, on the same ball! 🤯
— KFC Big Bash League (@BBL) January 24, 2021
A @KFCAustralia Bucket Moment | #BBL10 pic.twitter.com/eLRurkBQtp
Authorization
What just happened?! Jake Weatherald somehow got run out at both ends, on the same ball! 🤯
— KFC Big Bash League (@BBL) January 24, 2021
A @KFCAustralia Bucket Moment | #BBL10 pic.twitter.com/eLRurkBQtp
హైదరాబాద్: ఆస్ట్రేలియా గడ్డపై జరుగుతున్న బిగ్బాష్ లీగ్లో ఓ కామెడీ రనౌట్ చోటు చేసుకుంది. అడిలైడ్ స్ట్రైకర్స్, సిడ్నీ థండర్స్ మధ్య తాజాగా జరిగిన మ్యాచ్లో స్ట్రైకర్స్ ఓపెనర్ జాక్ వీథరాల్డ్ తికమక కారణంగా.. ఒకే బంతికి రెండు సార్లు రనౌటయ్యాడు. మ్యాచ్ కామెంటేటర్ల మాటల్లో చెప్పాలంటే ఈ తరహాలో ఓ బ్యాట్స్మెన్ రనౌటవడం ఇదే తొలిసారి. అడిలైడ్ స్ట్రైకర్స్, సిడ్నీ థండర్స్ జట్ల మధ్య ఆదివారం 51వ టీ20 మ్యాచ్ జరిగింది. ఈ సందర్భంగా అడిలైడ్ జట్టు తొలి ఇన్నింగ్స్ ఆడగా జేక్ వెదరాల్డ్(31) అనే బ్యాట్స్మన్ ఒకే బంతికి రెండుసార్లు రనౌటయ్యాడు. క్రిస్గ్రీన్ వేసిన 10వ ఓవర్లో బ్యాటింగ్ చేస్తున్న ఫిలిప్ సాల్ట్(31) ఒక బంతిని నేరుగా బౌలర్వైపే షాట్ ఆడాడు. అదే సమయంలో నాన్స్ట్రైకర్ ఎండ్లో ఉన్న జేక్ క్రీజుదాటి ముందుకు వచ్చాడు. అప్పటికే ఆ బంతి బౌలర్ చేతికి తాకుతూ వికెట్లను కొట్టేసింది. అసలేం జరిగిందో అర్థంకాని జేక్ ఆ బంతిని చూస్తూ అక్కడే నిలిచిపోయాడు. ఈలోపు షాట్ ఆడిన ఫిలిప్ సింగిల్ కోసం యత్నించాడు. ఆలస్యంగా స్పందించిన జేక్ కీపర్ వైపు పరుగెత్తగా ఆలోపే ఫీల్డర్ బంతిని అందుకొని కీపర్కు విసిరాడు. జేక్ క్రీజులోకి చేరేలోపే కీపర్ వికెట్లను గిరాటేశాడు. టీవీ రీప్లేలో జేక్ రెండు వైపులా రనౌటైనట్లు తేలింది. అయితే, తొలుత బౌలర్ చేతికి బంతి తగలి బెయిల్స్ ఎగరడంతో ఆ వికెట్ క్రిస్గ్రీన్ ఖాతాలో చేరింది. ఈ వీడియోను బిగ్బాష్ లీగ్ ట్విటర్లో పంచుకోగా అది వైరల్గా మారింది. కాగా, ఈ మ్యాచ్లో చివరికి అడిలైడ్ జట్టే విజయం సాధించింది. తొలుత ఆ జట్టు బ్యాటింగ్ చేసి 20 ఓవర్లలో 159/6 స్కోర్ సాధించగా, ఛేదనలో సిడ్నీ థండర్స్ 20 ఓవర్లకు 153/7తో నిలిచింది. దీంతో అడిలైడ్ 6 పరుగుల స్వల్ప తేడాతో విజయాన్ని సొంతం చేసుకుంది.