Authorization
Mon Jan 19, 2015 06:51 pm
- విదర్భపై విరుచుకుపడిన చాహర్
న్యూఢిల్లీ : భారత యువ పేసర్ దీపక్ చాహర్ విధ్వంసక బౌలింగ్ విన్యాసం కొనసాగుతోంది. నాగ్పూర్లో బంగ్లాదేశ్పై 6/7తో టీ20 క్రికెట్లో అత్యుత్తమ బౌలింగ్ గణాంకాలు నమోదు చేశాడు దీపక్ చాహర్. భారత మెన్స్ జట్టు తరఫున టీ20లో తొలి హ్యాట్రిక్ సాధించిన బౌలర్గానూ రికార్డు సృష్టించాడు. మూడు రోజుల వ్యవధిలోనే దీపక్ చాహర్ హ్యాట్రిక్ విన్యాసం పునరావృతం చేశాడు. సయ్యద్ ముస్తాక్ అలీ టీ20 టోర్నీలో విదర్భపై దీపక్ చాహర్ విజృంభించాడు. వర్షం కారణంగా 13 ఓవర్లకు కుదించిన మ్యాచ్లో దీపక్ చాహర్ 4/18తో మెరిశాడు. ఇన్నింగ్స్ 13వ ఓవర్లో దీపక్ చాహర్ వరుసగా దర్షణ్, శ్రీకాంత్, అక్షరు వికెట్లను కూల్చి హ్యాట్రిక్ సాధించాడు. చాహర్ దెబ్బకు తొలుత విదర్భ 99/9 పరుగులే చేసింది. వి జగదీశన్ పద్దతిలో సవరించిన లక్ష్యాన్ని అందుకోవటంలో రాజస్థాన్ విఫలమైంది. ఆ జట్టు 13 ఓవర్లలో 105/8 పరుగులే చేసింది. ఒక్క పరుగు తేడాతో విదర్భ విజయం సాధించింది. దీపక్ చాహర్ దేశవాళీ హ్యాట్రిక్ వృథా అయిపోయింది.