Authorization
Mon Jan 19, 2015 06:51 pm
- అందుబాటులోకి 11 భాషల్లో 60 పుస్తకాలు
- కేరళ ప్రొఫెసర్ కృషి..విశేషంగా ఆకట్టుకుంటున్న గ్రంథాలయం
కొచి:మాస్టర్ బ్లాస్టర్ సచిన్ టెండూల్కర్ క్రికెట్ నుంచి రిటైర్ అయినా.. అతని పేరు దేశ,విదేశాల్లో మారుమోగుతున్నది. సచిన్ జీవిత చరిత్ర గురించి తెలుసుకోవాలనుకునే ఆసక్తి అభిమానుల్లో ఏ మాత్రం తగ్గటంలేదు. ట్రెండ్ మారాక యూట్యూబ్ వీడియోల్లోనో..మొబైల్ ఫోన్లలో చూసుకునే రోజులివి. సచిన్ చరిత్రను పుస్తకం రూపంలో తెచ్చారు. సచిన్పై ఉన్న అభిమానం అతన్ని ఓ లైబ్రరీ నెలకొల్పేలా చేసింది. ఈ కృషి వెనుక కేరళలోని ఓ ప్రొఫెసర్ ఉన్నారు. సచిన్ పేరున ఏర్పాటు చేసిన ఆ లైబ్రరీ ఇపుడు అది అందరినోళ్లలో నానుతున్నది. కేరళలోని మలబార్ క్రిస్టియన్ కాలేజీలో హిస్టరీ బోధించే ప్రొఫెసర్వశిష్ట మణికోఠ్ కోజికోడ్లో సచిన్ పేరున సెంట్రల్ లైబ్రరీ స్థాపించాడు. ఈ లైబ్రరీలో సచిన్ ఆత్మకథ మొదలుకుని క్రికెట్ పిచ్పై ఆయన చేసిన ఫీట్లలో.. ఏ ఒక్కదాన్ని వదలకుండా ఏకంగా 60 పుస్తకాలుగా తీర్చిదిద్దాడు. ఇవి 11 భాషల్లోకి అనువదించారు. వీటిలో హిందీ,ఇంగ్లీషు,తమిళం,తెలుగు,మలయాళం, కన్నడ, మరాఠా,గుజరాతీతో సహా పలు భాషల్లో అందుబాటులోకి తెచ్చాడు. దేశంలో ప్రధాన భాషల్లో మాస్టర్ బ్లాస్టర్ గురించిన అన్ని అంశాలు ఈ లైబ్రరీలో ఉండటంతో పలువురిని ఆకట్టుకుంటున్నది. ముఖ్యంగా యువతీయువకులు ఈ లైబ్రరీకి వచ్చి సచిన్ గురించి తెలుసుకునేందుకు క్యూకడుతున్నారు. సచిన్ చరిత్ర అనువైన భాషల్లోనే కాకుండా..చదువుకోవటానికి సులువైన పదాలు ఉన్నాయని అంటున్నారు.