Authorization
Mon Jan 19, 2015 06:51 pm
- పాకిస్థాన్పై వరుసగా ఏడో విజయం
- 4-0తో పాక్ను చిత్తు చేసిన పేస్సేన
- ఆసియా ఓసియాన గ్రూప్1 డేవిస్ కప్
నూర్ సుల్తాన్ (కజకిస్థాన్) : డెవిస్ కప్లో పొరుగు దేశం పాకిస్థాన్పై భారత్ సప్త పది మోగించింది. టెన్నిస్ ప్రపంచకప్గా పిలువబడే డెవిస్ కప్లో పొరుగు దేశాలు భారత్, పాకిస్థాన్ ముఖాముఖి ఏడు పర్యాయాలు తలపడ్డాయి. పాకిస్థాన్ తరఫున అత్యుత్తమ ఆటగాళ్లు బరిలో నిలిచిన సమయంలోనూ భారత్కు సవాల్ విసరంలో ఆ జట్టు విఫలమైంది. వివాదాలు చుట్టుముట్టిన ఆసియా ఓసియాన గ్రూప్-1 డెవిస్ కప్ మ్యాచ్లో పాకిస్థాన్ పసికూన బృందాన్ని బరిలోకి దించింది. వరుసగా నాలుగు మ్యాచుల్లో ఎదురులేని విజయం సాధించిన భారత్ 4-0తో పాకిస్థాన్ను చిత్తు చేసింది. 2020 డెవిస్ కప్ వరల్డ్ గ్రూప్-1 ప్లేఆఫ్స్ కోసం స్లోవేకియా వెళ్లనుంది. అనుభవం లేని జట్టుతో భారత్తో డెవిస్ కప్ ఢకిీ వచ్చిన పాకిస్థాన్ ఊహించని పరాజయాన్ని మూట గట్టుకుంది. డెవిస్ కప్లో 44వ డబుల్స్ విజయం సాధించిన లియాండర్ పేస్, టోర్నీ అత్యంత విజయవంతమైన డబుల్స్ ఆటగాడిగా తన రికార్డునే మెరుగుపర్చుకున్నాడు.
డబుల్స్లో అదే జోరు : డెవిస్ కప్ తొలి రోజు మ్యాచుల్లో రామ్కుమార్ రామనాథన్, సుమిత్ నాగల్లు అలవోక విజయాలు సాధించారు. 2-0 ఆధిక్యంతో భారత్ను పటిష్ట స్థితిలో నిలిపారు. శనివారం జరిగిన ఏకైక డబుల్స్ మ్యాచ్లోనూ భారత్ జయ కేతనం ఎగురవేసింది. లియాండర్ పేస్, జీవన్ జోడీ పాకిస్థాన్పై వరుస సెట్లలో గెలుపొందారు. 6-1, 6-3తో పాక్ జంట అబ్దుల్ రెహమాన్, మహ్మద్ షోయబ్లపై సులువుగా విజయం సాధించింది. తొలి సెట్ను 6-1తో గెల్చుకున్న లియాండర్ పేస్, జీవన్లకు రెండో సెట్లో కాస్త ప్రతిఘటన ఎదురైంది. తొలి రెండు సర్వ్లలో రెహమాన్, షోయబ్లు మూడు బ్రేక్ పాయింట్లు సాధించారు. పేస్, జీవన్లకు గట్టి పోటీనిచ్చేలా కనిపించారు. కానీ తర్వాత వరుసగా నాలుగు పాయింట్లు సాధించిన పేస్, జీవన్ జంట 6-3తో రెండో సెట్నూ సొంతం చేసుకుంది. భారత్ ఆధిక్యాన్ని 3-0కు మెరుగుపర్చి, విజయం ఖాయం చేసింది. తొలి రివర్స్ సింగిల్స్ మ్యాచ్లో సుమిత్ నాగల్ 6-1, 6-0తో యూసుఫ్ ఖలీల్పై గెలుపొందాడు. తొలి సెట్లో ఖలీల్కు ఓ పాయింట్ కోల్పోయిన సుమిత్ నాగల్.. రెండో సెట్ను దూకుడుగా గెల్చుకున్నాడు. కెరీర్ తొలి డెవిస్ కప్ ఆడుతున్న సుమిత్ నాగల్ వరుస మ్యాచుల్లో విజయాలు నమోదు చేశాడు. సింగిల్స్, రివర్స్ సింగిల్స్లలో ప్రత్యర్థి ఆటగాడికి కనీసం ఒక్క సెట్ కూడా కోల్పోకుండా సుమిత్ నాగల్ అలవోక విజయాలు సాధించాడు. ఈ ఏడాది యు.ఎస్ ఓపెన్లో దిగ్గజ ఆటగాడు రోజర్ ఫెడరర్పై ఓ సెట్ గెలుపొందిన సుమిత్ నాగల్ విమర్శకుల ప్రశంసలు అందుకున్న సంగతి తెలిసిందే. సుమిత్ నాగల్ రివర్స్ సింగిల్స్ విజయంతో భారత్ 4-0తో పాకిస్థాన్పై ఆసియా ఓసియాన గ్రూప్-1 మ్యాచ్లో ఘన విజయం సాధించింది.