నవతెలంగాణ బ్యూరో - హైదరాబాద్
రాష్ట్రంలోని హార్టికల్చర్‌ సంచాలకుల కార్యాలయంలో 22 హార్టికల్చర్‌ ఆఫీసర్‌ పోస్టుల భర్తీకి తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) నోటిఫికేషన్‌ను జారీ చేసింది. ఈ మేరకు టీఎస్‌పీఎస్సీ కార్యదర్శి అనితా రామచంద్రన్‌ గురువారం ఒక ప్రకటన విడుదల చేశారు. ఆన్‌లైన్‌లో దరఖాస్తుల స్వీకరణ ప్రక్రియ వచ్చేనెల ఒకటో తేదీ నుంచి ప్రారంభమవుతుందని తెలిపారు. వాటి సమర్పణకు అదేనెల 24వ తేదీ సాయంత్రం ఐదు గంటల వరకు గడువుందని వివరించారు. ఇతర వివరాలకు షషష.్‌రజూరష.స్త్రశీఙ.ఱఅ వెబ్‌సైట్‌ను సంప్రదించాలని సూచించారు.
185 వెటర్నరీ అసిస్టెంట్‌ సర్జన్‌ పోస్టుల భర్తీకి నోటిఫికేషన్‌
రాష్ట్రంలోని పశుసంవర్ధక శాఖ పరిధిలో 185 వెటర్నరీ అసిస్టెంట్‌ సర్జన్‌ (క్లాస ఏ, బీ) పోస్టుల భర్తీకి తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) నోటిఫికేషన్‌ను జారీ చేసింది. ఈ మేరకు టీఎస్‌ పీఎస్సీ కార్యదర్శి అనితా రామచంద్రన్‌ గురువారం ఒక ప్రకటన విడుదల చేశారు. ఆన్‌లైన్‌లో దరఖాస్తుల స్వీకరణ ప్రక్రియ ఈనెల 30వ తేదీ నుంచి ప్రారంభమవుతుందని తెలిపారు. వాటి సమర్పణకు వచ్చేనెల 19వ తేదీ సాయంత్రం ఐదు గంటల వరకు గడువుందని వివరించారు. ఇతర వివరాలకు www.tspsc.gov.in వెబ్‌సైట్‌ను సంప్రదించాలని సూచించారు.
