చైనాకు చెందిన మొబైల్ హ్యాండ్సెట్స్ తయారీ కంపెనీ హానర్ తాజాగా మరో రెండు కొత్త స్మార్ట్ఫోన్లు మార్కెట్లోకి తీసుకువచ్చింది. హానర్ 9ఎక్స్, హానర్ 9ఎక్స్ ప్రో వీటి పేర్లు. అదిరిపోయే ఫీచర్లతో అందుబాటు ధరలోనే వీటిని ఆవిష్కరించింది. వీటిల్లో పాపప్ సెల్ఫీ కెమెరా, ట్రిపుల్ రియర్ కెమెరా, 8 జీబీ ర్యామ్ వంటి ప్రత్యేకతలు ఎన్నో ఉన్నాయి.
హానర్ 9ఎక్స్ ఫోన్ ధర చైనా మార్కెట్లో రూ.14,000 నుంచి ప్రారంభమౌతోంది. 4 జీబీ ర్యామ్/64 జీబీ మెమరీ వేరియంట్కు ఇది వర్తిస్తుంది. అదే 6 జీబీ ర్యామ్/64 జీబీ మెమరీ వేరియంట్ ధర రూ.16,000గా ఉంది. 6 జీబీ ర్యామ్/128 జీబీ మెమరీ ధర రూ.19,000. ఫోన్ అమ్మకాలు అక్కడి మార్కెట్లో జూలై 30 నుంచి ప్రారంభమవుతాయి. హానర్ 9ఎక్స్ ప్రో ఫోన్ ధర రూ.22,000 నుంచి ప్రారంభమవుతోంది. 8 జీబీ ర్యామ్/128 జీబీ మెమరీ వేరియంట్కు ఇది వర్తిస్తుంది. ఇక 8 జీబీ ర్యామ్/256 జీబీ మెమరీ వేరియంట్ ధర రూ.24,000. వీటి అమ్మకాలు కూడా ఆగస్ట్ 9 నుంచి ప్రారంభమవుతాయి. హానర్ 9ఎక్స్లో 6.59 అంగుళాల స్క్రీన్, కిరిన్ 810 ప్రాసెసర్, డ్యూయెల్ రియర్ కెమెరా (48 ఎంపీం2 ఎంపీ), 16 ఎంపీ పాపప్ సెల్ఫీ కెమెరా, 4000 ఎంఏహెచ్ బ్యాటరీ వంటి ప్రత్యేకతలున్నాయి. ఇక హానర్ 9ఎక్స్ ప్రో ఫోన్లో కూడా పైన పేర్కొన్న ఫీచర్లే ఉంటాయి. అయితే వెనుక భాగంలో ట్రిపుల్ కెమెరా (48 ఎంపీం2 ఎంపీం8 ఎంపీ) ఉంటుంది.
Authorization