పాన్ కార్డు.. అవసరమైన ఐడెంటిటీ కార్డు. 18 ఏండ్లు నిండిన ప్రతి ఒక్కరూ పాన్ వాడుతుంటారు. బ్యాంక్ లావాదేవీలు, ఏదైనా ఐడెంటిటీ ప్రూఫ్ కోసం.. టాక్స్ పేమెంట్ చేయడానికి, ఆన్లైన్ బ్యాంకింగ్కు సంబంధించి కేవైసీ కోసం ఇలా పలు సందర్భాలలో పాన్ తప్పనిసరి. పాన్కార్డు కావాలనుకునే వారు అప్లై చేయడానికి అందుబాటులో రెండు వెబ్సైట్స్ ఉన్నాయి. ఆయా వ్యక్తులు తమకు కావాల్సిన రీతిలో నేషనల్ సెక్యూరిటీస్ డిపాజిటరీ (ఎన్ఎస్డీఎల్), యూటీఐ ఇన్ఫ్రాస్ట్రక్చర్ టెక్నాలజీ అండ్ సర్వీసెస్ (యూటీఐఐటీఎస్ఎల్) పోర్టల్స్ ద్వారా పాన్ కార్డు కోసం అప్లై చేసుకోవచ్చు. అయితే, పాన్ కార్డు ఫీజు మారుతూ ఉంటుంది. పాన్ కార్డు కోసం ఎన్ఎస్డీఎల్ ద్వారా దరఖాస్తు చేసుకుంటే రూ.56 నుంచి రూ.862 వరకు చెల్లించాల్సి ఉంటుంది. ఈ మొత్తం ఒక పాన్ కార్డు దరఖాస్తుకు సంబంధించింది. ఇకపోతే పాన్ కార్డును ఆదాయపు పన్ను శాఖ జారీ చేస్తుంది. కేవలం పాన్ నెంబర్ కావాలని భావిస్తే రూ.66 నుంచి రూ.72 ఖర్చవుతుంది. మీకు పాన్ కార్డు ఫిజికల్ రూపంలో రాదు. ఈ-పాన్ కార్డు పీడీఎఫ్ ఫార్మాట్లో ఈ-మెయిల్కు వస్తుంది. అదే మీరు పాన్ను కార్డు రూపంలో పొందాలంటే (భారత్లో) పన్నులు, ఇతర చార్జీలు కలుపుకొని రూ.101 నుంచి రూ.107 అవుతుంది. అదే విదేశాల్లో ఉన్న భారతీయులు పాన్ కార్డు కోసం పన్నులు, ఇతర చార్జీలు కలుపుకొని రూ.1,011 నుంచి రూ.1,017 చెల్లించాల్సి ఉంటుంది. మీరు ఒక పాన్ కార్డు కన్నా ఎక్కువ వాటికి కలిగి ఉంటే రూ.10,000 వరకు జరిమానా పడుతుంది. అందువల్ల ఒక్క పాన్ కార్డు కన్నా ఎక్కువ కార్డులు ఉంటే వెంటనే వాటిని రద్దు చేసుకోండి. పాన్ కార్డు ఫీజు డెలివరీ అడ్రస్, కార్డు రకం ప్రాతిపదికన మారుతుంది.
Authorization