ప్రతి ఒక్కరి చేతిలో స్మార్ట్ ఫోన్స్ సర్వసాధారణం అయిపోయాయి.. అవసరాల దృష్ట్యా మొబైల్ కంప్యూటింగ్ విస్తరిస్తోంది. అందులో కావాల్సినన్ని యాప్స్ అందుబాటులో ఉంటున్నాయి. ఇదంతా బాగానే ఉంది. కానీ ఇక్కడే స్మార్ట్ఫోన్స్తో సమస్యలు తెచ్చుకుంటున్నారు. టెక్నాలజీ చేతిలో ఉంటే సరిపోదు. దాన్ని ఎలా ఉపయోగించాలో కూడా తెలిసి ఉండాలి. స్మార్ట్ఫోన్ ఉపయోగించుకోవడం మొదలు దాన్ని నిర్వహించుకోవడమూ తెలిసి ఉండాలి. అంటే సెక్యూరిటీ పరంగా ఎలాంటి అప్లికేషన్లు ఇన్స్టాల్ చేసుకోవాలి. ఎలాంటి జాగ్రత్తలు తీసుకోవాలి. సోషల్ మీడియాలో ఎలా ఉండాలి, వంటి విషయాలు తెలుసుకోవడం తప్పనిసరి.
వీపీఎన్ అంటే వర్చువల్ ప్రైవేట్ నెట్వర్క్. ఇందులో ఉచిత, పెయిడ్ అప్లికేషన్స్ ఉంటాయి. ఒక వెబ్సైట్ ఓపెన్ కాకపోయినా, పని చేసే కార్యాలయంలో గాని, స్కూల్లోని గాని కొన్ని సైట్లు ఓపెన్ కాకుండా బ్లాక్ చేసి ఉన్నా తొలుత గుర్తొచ్చేది వీపీఎన్. ఇందులో చాలా రకాల ఉచిత అప్లికేషన్లు ఉంటాయి. ఈ ఉచితంగా లభించే వాటికి వీలైనంత వరకు దూరంగా ఉండడం మంచిది. ఎందుకు అంటే ఫోన్లో లేదా కంప్యూటర్లో ఓపెన్ చేయాలనుకున్న అప్లికేషన్లు ఆయా సర్వీసుల సర్వర్ల నుంచి రీబూట్ అవుతూ ఉంటాయి. ఇలా భారీ మొత్తంలో డేటా ట్రాఫిక్ హ్యాండిల్ చేయగలిగే విధంగా సర్వర్లు మెయిం టెన్ చేయాలంటే చాలా ఖర్చుతో కూడుకున్న వ్యవహారం. అలాంటప్పుడు గూగుల్ ప్లే స్టోర్లో గానీ విండోస్ కంప్యూటర్లో గానీ లభించే ఉచిత వీపీఎన్ సర్వీసులు ఉంటాయి. ఇవి సొంతంగా డబ్బు ఖర్చు చేసి మరీ వినియోగ దారులకు ఉచతంగా అప్లికేషన్లను అందిస్తుంటాయి. అలా ఎందుకు చేస్తాయంటే.. వినియోగదారుల డేటాను అమ్ముకోవడం కోసం. వీపీఎన్ సర్వీసుల్లో భారీ మొత్తంలో వినియోగదారుల డేటా థర్డ్ పార్టీ కంపెనీలకి అమ్ముకుంటున్న కొన్ని సంస్థల వైఖరి కూడా బయటపడిన సంఘటనలు ఉన్నాయి. ఈ మధ్య కాలంలో మన దగ్గర కూడా వీపీఎన్ అప్లికేషన్ల విని యోగం బాగా పెరిగిపోయింది. ఉచిత వీపీఎన్ సర్వీసు వాడబోయే ముందు దాంట్లో పేర్కొన్న నియమ నిబంధనలను ఒకసారి నిశితంగా పరిశీలిస్తే అర్థమవుతుంది. అందులో స్పష్టంగా మీ డేటా థర్డ్ పార్టీలకు షేర్ చేయబడు తుందని స్పష్టంగా పేర్కొని ఉంటుంది. వాటిని నిశితంగా చదవకపోవడం కారణంగా మనమే స్వయంగా మన వ్యక్తిగత సమాచారం ఇతరులకు అందిస్తున్నాం. అదే విధంగా గూగుల్ ప్లే స్టోర్, ఇతర ప్లాట్ఫామ్స్ నుంచి భారీ మొత్తంలో మన దేశంలో డౌన్లోడ్ చేసుకుంటున్న వీపీఎన్ అప్లికేషన్లు చైనా నుంచి ఆపరేట్ చేయబడుతున్నట్టు వెల్లడయింది. ఆ దేశం నుంచి ప్రపంచ వ్యాప్తంగా అనేక దేశాలు ఈ వీపీఎన్ అప్లికేషన్ల డేటాని షేర్ చేసుకుంటాయి. అలా డబ్బు సంపాదిస్తుంటాయి. అందుకే ఎలాంటి పరిస్థితుల్లో ఉచిత వీపీఎన్ అప్లికేషన్ల జోలికి వెళ్లకపోవడం మంచిది.
మాల్ వేర్స్ : బాగా పాపులర్ అయిన వీపీఎన్ అప్లికేషన్లు కొంతమేర పర్వాలేదు. కానీ అంతగా ప్రాచుర్యం పొందని చిన్న చిన్న వీపీఎన్ అప్లికేషన్లలో అంతర్గతంగా మాల్వేర్స్ ఉన్నట్లు గతంలో అనేక ప్రముఖ యాంటీ వైరస్ సంస్థల నివేదిక ద్వారా వెల్లడైంది. ఇటీవల సాంకేతిక ప్రపంచాన్ని వణికించిన వన్నాక్రైం సైబర్ ఎటాక్ ప్రభావం మరిచిపోలేనిది. వినియోగదారుల వ్యక్తిగత సమాచారం హ్యాక్ అవుతుందన్న కారణంతో సెర్చ్ ఇంజన్ దిగ్గజం గూగుల్ సంస్థ ఏకంగా 500 అప్లికేషన్లను తన ప్లే స్టోర్ నుంచి తొలగించింది. అమెరికాకు చెందిన సాంకేతిక సైబర్ నిపుణుల సూచన మేరకు గూగుల్ ఈ నిర్ణయం తీసుకుంది. ఉదాహరణకు 150 వీపీఎన్ అప్లికేషన్లను నిశితంగా పరిశీలించగా, అందులో 27 అప్లికేషన్లలో మాల్వేర్ ఉన్నట్లు వెల్లడైంది. ప్రముఖ యాంటీ వైరస్ సంస్థ వైరస్ టోటల్ కూడా వెల్లడించింది.
తప్పనిసరైతే : అవసరాలకు తప్పనిసరిగా వీపీఎన్ అప్లికేషన్లు వాడాలంటే ఖచ్చితంగా బాగా పాపులరైన నార్డ్ వీపీఎన్ ఎక్స్ప్రెస్ వీపీఎన్, సైబర్ గోస్ట్ వంటి సర్వీసులకు సబ్స్క్రిప్షన్ చెల్లించడం ద్వారా ఉపయోగించుకోవడం మంచిది. ఒక సబ్స్క్రిప్షన్ తీసుకుంటే ఫోన్, కంప్యూటర్, ల్యాప్టాప్, ఇలా అన్ని రకాల డివైజ్లను ఒకేసారి కనెక్ట్ చేసుకునే అవకాశం ఉంటుంది. అదే విధంగా మీరు ఎంపిక చేసుకునే పెయిడ్ వీపీఎన్ సర్వీసు ఒపెన్ వీపీఎన్, ఒపెన్ ఎస్ఎస్హెచ్ (సెక్యూర్ షెల్) వంటి పలు రకాల ఎన్క్రిప్షన్ పద్ధతుల ద్వారా డేటాని సురక్షితంగా కాపాడే విధంగానూ ఉంటుంది. ఒరిజినల్ ఐపీ అడ్రస్ అవతలి వారికి తెలియకుండా ఉండడం కోసం కిల్స్విచ్ అనే సదుపాయం కూడా అందులో ఉండాలి. ఇలాగే ప్రపంచ వ్యాప్తంగా ఎన్ని లోకేషన్లకు సంబంధించిన సర్వర్లని సబ్స్కైబ్ చేస్తే వీపీఎన్ సపోర్టు చేస్తుందా అనే విషయాన్ని కూడా పరిశీలించాలి. అధిక శాతం వీపీఎన్ సర్వీసులు 30 రోజుల పాటు ఉచితంగా టెస్ట్ చేసుకునే విధంగా పెయిడ్ సబ్స్క్రిప్షన్లు అందిస్తుంటాయి. ఒకవేళ ఆ సర్వీసు నచ్చకపోతే సబ్స్క్రిప్షన్ క్యాన్సిల్ చేసుకోవచ్చు. వేరే ప్రొడక్ట్ని ఎంపిక చేసుకోవచ్చు. ఇలాంటి ఆప్షన్లో వినిపించేవే వెబ్ప్రాక్టీ, టార్ నెట్వర్క్లు.
వ్యత్యాసం : వెబ్ ప్రాక్టీని, వీపీఎన్ని చాలా సందర్భాల్లో ఒక దాని బదులు మరొకటి వాడుతుంటారు. వాస్తవానికి రెండు ఒకే రకంగా పని చేసినప్పటికీ, కొన్ని వ్యత్యాసాలు ఉన్నాయి. ఏదైనా నిర్దిష్టమైన వెబ్సైట్ ఓపెన్ చేయడానికి ప్రయత్నించినప్పుడు, ఆ వెబ్ సర్వర్కి ఐడీ అడ్రస్ నేరుగా కనిపిస్తుంది. అలా కాకుండా ప్రాక్టీ వాడినప్పుడు, ఒరిజినల్ ఐపీ అడ్రస్కు బదులుగా ఉపయోగించిన ప్రాక్టీ సర్వర్కి ఒక రిక్వెస్ట్ పంపించుకుంటే అక్కడ నుంచి అవతల ఉన్న సర్వర్కి ఆ ప్రాక్టీ సర్వర్ ద్వారా రిక్వెస్ట్ వెళుతుంది. అంటే ఒరిజినల్ ఐపీ అడ్రస్ని అవతల ఉన్న సర్వర్ తెలుసుకునే అవకాశమే ఉండదు. ఇక్కడ వీపీఎన్ సర్వీసులు మరింత మెరుగ్గా పని చేస్తాయి. ప్రాక్టీ సర్వర్లో డేటా ఎన్క్రిప్షన్ జరగదు. ఫలితంగా డేటా మ్యాన్ ఇన్ మిడిల్ అటాక్స్ అనే పద్ధతుల ద్వారా సులభంగా హ్యాక్ చేసే ప్రమాదం ఉంటుంది. అందుకే వీలైనంత వరకు సులభంగా లభించే ఉచిత ప్రాక్టీ సర్వర్ల మీద ఆధారపడకుండా ఉండాలి.
వీపీఎన్కు బదులుగా టార్ నెట్వర్క్ వాడుతుంటారు. నమ్మశక్యం గాని థర్డ్ పార్టీ వీపీఎన్ సర్వీసులతో పోలిస్తే ప్రపంచ వ్యాప్తంగా వేలాది మంది వాలంటీర్స్ నిర్వహిస్తున్న లాభాలను ఆశించని టార్ నెట్వర్క్ శ్రేయస్కరం. దీన్ని ఉపయోగించాలంటే కంప్యూటర్లో, ఫోన్లో టార్ బ్రౌజర్ ఇన్స్టాల్ చేసుకోవాలి. ప్రపంచ వ్యాప్తంగా ఉన్న మూడు టార్ రిలేల ఆధారంగా పని చేస్తుంది. దీంతో ఏ వెబ్సైట్ ఓపెన్ చేసుకోవచ్చు. కొత్త సర్య్కూట్ క్రియేట్ చేసే విధంగా కూడా రిక్వెస్ట్ చేయవచ్చు. ఈ బ్రౌజర్లో మరింత ప్రైవసీ కల్పించే అనేక యాడాన్స్ ఉండడంతో పాటు ప్రమాదకరమైన ఫ్లాష్ వంటి ప్లగిన్స్ డిజేబుల్ చేసి ఉంటాయి. ఇందులో అవసరానికి తగినట్లు అనేక సెక్యూరిటీ లెవల్స్ ఎంపిక చేసుకునే వీలుంది. ఈ మధ్య కాలంలో విండోస్ 10 విని యోగం పెరిగిపోతుండడంతో ఓపెన్ ఎస్ఎస్హెచ్ సెక్యూర్ అందుబాటులోకి వచ్చింది. ఇలా పరిస్థితిని బట్టి అవసరాన్ని బట్టి ఆయా సర్వీసులను ఉపయోగించుకొని సెక్యూరిటీగా అప్లికేషన్లు ఉపయోగించుకోవచ్చు.
Authorization