రోజురోజుకు సాంకేతికత అభివృద్ధి చెందుతూ వస్తోంది. ఒకప్పుడున్న ల్యాండ్లైన్ ఫోన్లు ఇప్పుడు సరిగా అందుబాటులో లేవు. ఆ తర్వాత వచ్చిన సెల్ఫోన్లు సైతం అనేక మార్పులు చెందుతూ ఆండ్రాయిడ్ ఫోన్లు వచ్చాయి. వాటిల్లోనూ కొత్త కొత్త వెర్షన్లు, ఫీచర్లు అందుబాటులోకి వస్తున్నాయి. ఇందులో భాగంగా ప్రస్తుతం వైర్లెస్ చార్జర్ ఉన్న ఫోన్లు మార్కెట్లో లాంచ్ అయ్యాయి. ఈ చార్జర్లను ఇండక్షన్ చార్జర్లని కూడా అంటాం. అయితే ఇవేమీ కొత్త టెక్నాలజీ కాదు. రేజర్ వంటి చిన్న చిన్న పరికరాల నుంచి వాహనాల వరకు ఇండక్షన్ చార్జర్లు ఉపయోగంలోకి వచ్చాయి. అయితే మొబైళ్ళలో మాత్రం ఇపుడిపుడే ప్రారంభమవుతున్నాయి. ఈ వైర్లెస్ చార్జర్లు ఎలా పని చేస్తాయి.. ప్రస్తుత ఫోన్లకు వీటిని ఎలా ఉపయోగించాలనే విషయాలు తెలుసుకుందాం...
వినియోగదారులకు ఎప్పటికప్పుడు కొత్త కొత్త సాంకేతికత అందించే స్మార్ట్ఫోన్ తయారీ సంస్థలు ప్రస్తుతం వైర్లెస్ చార్జర్లను అందుబాటులోకి తీసుకువస్తున్నాయి. అనేక రకాల ఆండ్రాయిడ్ ఫోన్లకు ఉపయోగించేందుకు వీలుండే వైర్లెస్ చార్జింగ్లు కొత్తగా వచ్చిన సాంకేతిక కాదు. కొన్ని సంవత్సరాల క్రితమే పానాసోనిక్ ఎలక్ట్రానిక్ రేజర్ను అందుబాటులోకి తీసుకువచ్చింది. అంతేకాదు టూత్బ్రెష్లు కూడా వైర్లెస్ చార్జింగ్వి వచ్చాయి. వాహనాలకు ఎప్పటి నుంచో ఈ తరహా సాంకేతికత ఉపయోగిస్తున్నారు. ఇదే తరహాలో ఆండ్రాయిడ్ ఫోన్లు, వాచ్లు అందుబాటులోకి వస్తున్నాయి. అయితే అవి ప్రస్తుతానికి మన దేశంలో కాదు.
వైర్లెస్ చార్జింగ్ అంటే?
వైర్లెస్ చార్జింగ్ అనేది మ్యాజిక్ కాదు. అందులోనూ వైర్లు అవసరం ఉంటాయి. అయితే ఆ వైర్ మాత్రం ఫోన్లో ఉండే చార్జింగ్ పాయింట్కు కనెక్ట్ అయి ఉంటుంది. అంటే ఫోన్ను చార్జర్ మీద పెట్టి దానికి ఎలాంటి పిన్ కనెక్ట్ చేయకుండా ఉంటుంది. చార్జింగ్ అయ్యే బేస్ ఏ ఆకారంలోనైనా, సైజ్లోనైనా ఉండొచ్చు. దీనిని కార్డాష్ బోర్డ్లో సైతం వినియోగించేలా ఉంటుంది. అయితే చార్జర్కు సరైన ప్లేస్లో ఆండ్రాయిడ్ ఫోన్ను పెడితేనే చార్జింగ్ ఎక్కు తుంది. దీని వల్ల ఆఫీసుల్లోని క్యూబిక్ వద్ద సులువుగా చార్జింగ్ పెట్టుకునే వెసులుబాటు ఉంటుంది. అవ సరమైనపుడు తీసి ఉపయోగించుకుని మళ్ళీ యథా స్థానంలో పెడితే చార్జింగ్ అవుతూ ఉంటుంది. అంతేకాదు ఫోన్ స్విచ్ఆఫ్ అవుతుందన్న బాధ ఉండదు. అయితే చార్జర్తో పోలిస్తే వైర్లెస్ ద్వారా చార్జింగ్ ఎక్కే సమయం మాత్రం ఆయా కంపెనీ ఫోన్లను బట్టి ఉంటుంది.
ఎలా పనిచేస్తుంది?
రెండు పరికరాల (ఫోన్, చార్జర్) మధ్య తక్కువ స్థాయిలో శక్తి సంకేతాలను ప్రసారం చేయడానికి రెండు ప్రతిధ్వనించే కప్లింగ్లు ఉంటాయి. సాధారణంగా వైర్తో చార్జింగ్ పెట్టేపుడు పిన్ను డివైస్లోకి పెట్టాల్సి ఉంటుంది. వైర్లెస్ చార్జర్లో పిన్ను డివైస్లోకి పెట్టకుండానే విద్యుత్ ప్రసారం చేసుకునేలా రూపొందించబడ్డాయి. కింద ఉండే భాగం (చార్జర్ బేస్) చార్జింగ్ పెట్టే విధంగా ప్లగ్కు అనుసంధానమై ఉంటుంది. ఇందులో ట్రాన్స్మీటర్ కాయిల్ ఉంటుంది. అదే విధమైన కాయిల్ ఫోన్లోనూ ఉంటుంది. దీని వల్ల చార్జింగ్ బేస్ నుంచి ఒక సిగల్ పంపుతుంటుంది. ఫోన్ను దాని దగ్గరగా పెట్టినపుడు ఆ సిగల్స్ మాడ్యులేట్ అయి ఫోన్లో ఉండే కాయిల్ చార్జింగ్కు అవసరమైన ఎనర్జీ అందిస్తుంది. జనరేటర్లో ఉపయో గించే థియరీనే వైర్లెస్ చార్జింగ్లోనూ ఉపయోగించారు. అంటే జనరేటర్లో మెకానికల్ ఎనర్జీని ఉపయోగించి విద్యుత్శక్తిగా ఎలా రూపాంతరం చెందుతుందో ఇండ క్టివ్ చార్జింగ్లోనూ అదే పద్ధతి కొనసాగుతుంది. అంటే విద్యుదయస్కాంత కాయిల్ రెండు డివైజ్ల మధ్య అయస్కాంత క్షేత్రాన్ని ఏర్పరుస్తుంది. ఇది విద్యత్ను ఉత్పత్తి చేయడానికి దోహదపడుతుంది.
చరిత్ర : ఇండక్షన్ పవర్ ట్రాన్స్ఫర్ పద్ధతిని మొట్టమొదటిసారి 1894లో ఎం.హుటిన్, ఎం.లీ-బ్లాంక్లు వాహనాల కోసం ఉపయోగించారు. అపుడు అవి బాగా ప్రాచుర్యం పొందాయి. కానీ ఆ తర్వాత కాలంలో మరుగునపడిపోయాయి. తర్వాత 1972లో ఆక్లాండ్ యూనివర్సిటీకి చెందిన ప్రొఫెసర్ డాన్ ఒట్టో రోడ్ మీద ట్రాన్స్మీటర్ల ద్వారా వాహనాలు పవర్ రిసీవ్ చేసుకునేలా ఏర్పాటు చేసి ప్రయోగించి విజయం సాధించారు. తర్వాత ఇదే తరహాలో 1977లో జాన్ ఇ. ట్రాంబ్లీ 'ఎలక్ట్రో మాగెటికల్లీ కపుల్డ్ బ్యాటరీ చార్జర్' పేటెంట్కు అవార్డు అందుకున్నారు. అమెరికా సంయుక్త రాష్ట్రాలు, ఫ్రాన్స్, జర్మనీ వంటి దేశాలలో అనేక మంది వాహనాలలో ఈ తరహా ఇండక్షన్ చార్జింగ్ పద్ధతికి సంబంధించి ప్రయోగాలు చేసి విజయం సాధించారు. కాలక్రమేణా మార్పులు చేసుకుంటూ ప్రస్తుతం మొబైల్ చార్జర్లు అందుబాటులోకి వచ్చాయి.
రకాలు : ఇందులో తక్కువ, ఎక్కువ సామర్థ్యం కలిగిన రెండు రకాల చార్జర్లు అందుబాటులోకి వచ్చాయి. విద్యుత్ సాధనాలలో ఉప యోగించేందుకు తక్కువ సామర్థ్యం కలిగినవి. ఇందులో సెల్ ఫోన్లు, స్కానర్లు, కొన్ని కంప్యూటర్లు ఉన్నాయి. అవి కూడా 100 వాట్లలోపు పవర్ లెవల్ ఉన్నవి మాత్రమే. ఒక కిలోవాట్ నుంచి 300 కిలో వాట్లు, అంతకంటే ఎక్కువ ఉండి సప్లరు చేయగలిగేవి హైపవర్ ఇండక్టివ్ చార్జింగ్లుగా ఉపయోగిస్తారు.
ఉపయోగాలెలా..
- ఇందులో పవర్ సప్లై 5 వాట్స్ నుంచి 10 వాట్ల శక్తి మాత్రమే బ్యాట రీకి అందించే పరిమాణాన్ని కలిగి ఉంటుంది. అయితే బ్యాటరీ పరిమాణాన్ని బట్టి చార్జింగ్ వేగం ఉంటుంది.
- తక్కువ స్థాయిలో విద్యుత్ సరఫరా అవుతుండడం వల్ల విద్యుదాఘా తాలు సంభవించవు.
- అయస్కాంత క్షేత్రం ద్వారా పవర్ సప్లరు జరుగుతుండడం వల్ల వైద్య పరికరాలలో ఉపయోగించేపుడు చర్మ సంబంధ సమస్యలు ఏర్పడవు.
- వెనుక వైపు ఇండక్షన్ మీద ఉంచాల్సి ఉంటుంది కాబట్టి.. ప్లాస్టిక్ లేదా గ్లాస్ అయితేనే చార్జింగ్ చేసేందుకు వీలుగా ఉంటుంది. అలా కాకుండా మెటల్ ఉంటే మాత్రం చార్జింగ్ ఎక్కదు.
మార్చుకోవడం ఎలా
వైర్లెస్ చార్జర్ ఉన్న మొబైళ్ళను ఉపయోగించాలంటే. ఎక్కువ ఖర్చుతో కూడుకున్నది. కనీసం రూ.50వేలు అయినా వెచ్చించాల్సి ఉంటుంది. అందుకే ఉన్న ఫోన్నే వైర్లెస్లోకి మార్చుకోవచ్చు. అందుకు క్యూఐ మొబైల్ వైర్లెస్ చార్జర్ను ఉపయోగించాల్సి ఉంటుంది. ప్రస్తుతం ఆన్లైన్లో యూఎస్బీ పోర్ట్కు తగినట్లు వైర్లెస్ చార్జర్ ఎడాప్టర్లు అందుబాటులో ఉంటున్నాయి. వాటిని తెప్పించుకుని చార్జింగ్ పిన్లో పెట్టి, ఆ ఎడాప్టర్ను మొబైల్ వెనుకవైపు ఉంచి, ఆ మొబైల్ను వైర్లెస్ చార్జర్ మీద పెట్టాలి. బ్యాటరీ స్థానంలో కాకుండా కొంచెం కింద చార్జింగ్ అవుతున్నట్లు సింబల్ కనిపిస్తుంది. మన దేశంలో ప్రస్తుతం వైర్లెస్ చార్జర్ మొబైళ్ళు అందుబాటులో లేకపోయినప్పటికీ ఈ విధంగా కొత్తగా వైర్లెస్ చార్జర్ను ఉపయోగించుకోవచ్చు.
Authorization