Authorization
Mon Jan 19, 2015 06:51 pm
- చిలీ ఖగోళ శాస్త్రవేత్తల నిర్ధారణ
శాంటిగో : మనం నివసిస్తున్న ఈ విశ్వం యొక్క వయస్సుపై భిన్నాభిప్రాయాలు వ్యక్తమవుతున్న వేళ తాజాగా ఖగోళ శాస్త్రవేత్తలు మరో కొత్త విషయాన్ని వెల్లడించారు. ఈ విశ్వం దాదాపు 1400 కోట్ల సంవత్సరాల క్రితం నాటిదని చిలీలోకి అటకామా ఏడారిలో టెలిస్కోప్ల శ్రేణి నుంచి వచ్చే డేడాను అధ్యయనం చేస్తోన్న శాస్త్రవేత్తలు అభిప్రాయపడ్డారు. ఈ అధ్యయానికి సంబంధించిన రెండు పేపర్లలో ఒక పేపర్కు కార్నల్ యూనివర్సిటీకి చెందిన ఒక పరిశోధకుడు సహ రచయితగా ఉన్నారు. ఈ అధ్యయనంలో తేలిన అంశాలు విశ్వం వయస్సుకు సంబంధించి ఖగోళ సమాజంలో సాగుతున్న చర్చలో సరికొత్త ట్విస్టుకు దారితీశాయి. నేషనల్ సైన్స్ ఫౌండేషన్కు చెందిన అటకామా కాస్మోలజీ టెలిస్కోప్(ఏసీటీ) నుంచి సేకరించిన డేటా అధారంగా శాస్త్రవేత్తలు తాజా అంచనా వేశారు. ఇది విశ్వం యొక్క ప్రామాణిక నమూనాతో పాటు, యూరోపియన్ స్పేస్ ఏజెన్సీకి చెందిన ప్లాంక్ శాటిలైట్ ద్వారా తీసుకున్న ప్రమాణాలతో ఇది సరిపోలుతోంది.
ప్లాంక్ టీం అంచనా వేసిన దాని కంటే విశ్వం వయస్సు కోట్లాది సంవత్సరాలు తక్కువగా ఉండే అవకాశం ఉవదని గెలాక్సీల కదలికలను కనుగొనే ఒక పరిశోధనా బృందం 2019లో అంచనా వేసింది. ఈ వ్యత్యాసం విశ్వానికి సంబంధించి కొత్త మోడల్ అవసరమని సూచించింది. ఈ అంచనాల్లో ఏదో ఒకటి తప్పుగా ఉంటుందనే అభిప్రాయాలు వ్యక్తమయ్యాయి. ఇటువంటి సమయంలో ప్లాంక్, ఏసీటీలు పరస్పరంగా అంగీకరించే విధంగా ఒక సమాధానంతో వచ్చామని ఫ్లాటిరోన్ ఇన్స్టిట్యూట్కు చెందిన సెంటర్ ఫర్ కాంపుటేషనల్ ఆస్ట్రోఫిజిక్స్ పరిశోధకుడు సిమోన్ అయోలా పేర్కొన్నారు. తమ అధ్యయనం వాస్తవాలను ప్రతిభింభిస్తుందని చెప్పారు. కాస్మోలజీ అండ్ ఆస్ట్రోపార్టికల్ ఫిజిక్స్లో ఈ అధ్యయనం ప్రచురితమైంది.