- ఏదో రూపంలో మళ్లీ తిరిగొస్తా : ట్రంప్‌
వాషింగ్టన్‌: అమెరికా అధ్యక్షుడు డోనాల్డ్‌ ట్రంప్‌ బుధవారం చివరిసారిగా వైట్‌హౌస్‌ను వీడారు. తన సతీమణి మెలానియాతో కలిసి ఆయన వైట్‌హౌస్‌ నుంచి బయటకు వైదొలిగారు. దీంతో ట్రంప్‌, నూతన అధ్యక్షుడిగా బైడెన్‌ ప్రమాణస్వీకార కార్యక్రమాన్ని దాటవేసినట్టయింది. అక్కడి నుంచి వారు నేరుగా మేరీల్యాండ్‌లోని మిలిటరీ ఎయిర్‌బేస్‌కు బయలుదేరారు. అక్కడ ఆయన చివరిసారి గా 'ఎయిర్‌ ఫోర్స్‌ వన్‌' విమానం ఎక్కి ఫ్లోరిడాలోని పామ్‌ బీచ్‌ సమీపంలో తన మార్‌ లాగో రిసార్టుకు వెళ్లనున్నారు. కాగా ట్రంప్‌ అధ్యక్షుడిగా చివరి రోజున శ్వేత సౌధం మాజీ ఉన్నతాధికారి స్టీవ్‌ బ్యానన్‌ సహా 73 మందికి క్షమాభిక్ష ప్రకటించారు. మరో 70 మందికి శిక్షను కుదిస్తూ నిర్ణయం తీసుకున్నారు. వైట్‌హౌస్‌ను వీడి ఫ్లోరిడా బయలుదేరే క్రమంలో ట్రంప్‌ ఆసక్తికర వ్యాఖ్య చేశారు. ఏదో ఒక రూపంలో మళ్లీ తిరిగొస్తానని చెప్పారు.
