Authorization
Mon Jan 19, 2015 06:51 pm
న్యూయార్క్: అసత్య సమాచార వ్యాప్తిని నివారించి, నకిలీ ఖాతాలను అరికట్టడంలో భాగంగా సామాజిక మాధ్యమ దిగ్గజం ఫేస్ బుక్ మరో ముందగుడు వేసింది. ఈ మేరకు ఏడాదిలో దాదాపు 540 కోట్ల నకిలీ ఖాతాలను రద్దు చేసినట్టు పేర్కొంది. నకిలీ ఖాతాలను సృష్టించడానికి చేసే ప్రయత్నాలను కూడా తిప్పికొట్టేలా సాప్ట్వేర్ను మెరుగు పర్చుకున్నట్టు 'పారదర్శక నివేదిక' స్పష్టం చేసింది. వినియోగదారులను మభ్య పెట్టే ఖాతాలను అరికట్టడం సహా రాజకీయ, సామాజిక అజెండాలతో తప్పుడు సమాచారాన్ని వ్యాప్తి చేయడాన్ని అరికట్టడానికి ఫేస్ బుక్పెద్ద ఎత్తున ఖర్చు చేస్తున్నది. 'నకిలీ ఖాతాలను నిలువరించడంలో ప్రగతి సాధించినందుకు సంతృప్తిగా ఉందనీ, ఇంకా సాంకేతిక పరిజాన్ఞం అభివృధ్ది సాధించాలని తెలిపింది. ఫేస్బుక్లో కచ్చితత్వాన్ని మరింత పెంపొందించడం, సంఘ వ్యతిరేకంగా సమాచార వ్యాప్తి చేస్తున్న ఖాతాలను అరికట్టడానికి పెద్ద ఎత్తున పెట్టుబడులు పెడుతున్నామని ఫేస్ బుక్ వెల్లడించింది.
భారీగా ప్రభుత్వాల అభ్యర్థనలు
వినియోగదారుల సమాచారం కోరుతూ అమెరికా ప్రభుత్వం పంపిన అభ్యర్థనలు కూడా పెరిగినట్టు నివేదికలో స్పష్టమైంది. ఈ ఏడాది ప్రథమార్ధంలో వివిధ దేశాల నుంచి 1,28,617 అభ్యర్థనలు అందినట్ల్టు వెల్లడించింది. 'ప్రభుత్వం నుంచి వచ్చే అభ్యర్థనలు న్యాయపరంగా చెల్లుబాటు అవుతాయో లేదో అనేది ఖాతా సమాచారాన్ని విశ్లేషించి నిర్ణయం తీసుకుంటాం. ఏ దేశ ప్రభుత్వం అభ్యర్థించినా జరిగేది ఇదే' అని ఫేస్ బుక్ న్యాయ సలహాదారుడు క్రిస్ సోండర్ బై పేర్కొన్నారు. ఖాతాదారుల సమాచారం కోరుతూ వచ్చిన అభ్యర్థనల్లో అమెరికా(50,741) నుంచే అధికంగా ఉన్నాయి. తరువాత స్థానంలో భారత్, యూకే, జర్మనీ, ఫ్రాన్స్లు ఉన్నట్టు నివేదిక తెలిపింది.