Fri 25 Nov 06:10:11.25007 2022
లండన్‌ : భారత బ్యాంక్‌లను వేల కోట్లకు మోసం చేసి లండన్‌ పారిపోయిన వజ్రాల వ్యాపారి నీరవ్‌ మోడీ తనను భారత్‌కు అప్పగించొద్దని బ్రిటన్‌ సుప్రీంకోర్టును ఆశ్రయించనున్నట్లు తెలిపారు. ఇందుకు అనుమతివ్వాలని లండన్‌ హైకోర్టుకు అప్పీల్‌ చేసుకున్నారు. నీరవ్‌ పంజాబ్‌ నేషనల్‌ బ్యాంక్‌కు రూ.11వేల కోట్ల మేర మోసం చేసిన విషయం తెలిసిందే. నీరవ్‌ను భారత్‌కు అప్పగించొచ్చని ఇటీవల అక్కడి హైకోర్టు తీర్పు ఇచ్చింది. దీన్ని సవాల్‌ చేస్తూ సుప్రీంకోర్టును ఆశ్రయించనున్నట్లు పేర్కొన్నారు. తన మానసిక అనారోగ్యం దృష్టా తనను భారత్‌కు అప్పగించొద్దంటూ విజ్ఞప్తి చేస్తున్నట్లు తెలిపారు. సుప్రీంకోర్టు నుంచి కూడా ప్రతికూల తీర్పు వస్తే.. యూరోపియన్‌ కోర్టు ఆఫ్‌ హ్యూమన్‌ రైట్స్‌ను ఆశ్రయించడానికి వీలుందని తెలుస్తోంది.
మీ స్నేహితులకు రికమెండ్ చెయ్యండి
