Wed 30 Nov 03:13:49.943826 2022
న్యూఢిల్లీ : శివసేన పేరు, గుర్తుపై నెలకొన్న వివాదాన్ని డిసెంబరు 12న భారత ఎన్నికల కమిషన్‌ విచారించనుంది. ఈ విషయాన్ని ఎన్నికల కమిషన్‌ మంగళవారం వెల్లడించింది. శివసేన పేరు, బాణం, విల్లు గుర్తు కోసం ఉద్ధవ్‌ థాకరే గ్రూపు, ఏక్‌నాథ్‌ షిండే గ్రూపుల మధ్య వివాదర కొనసాగుతున్న విషయం తెలిసిందే. రెండు గ్రూపులు తమ వాదనలకు సంబంధించి పత్రాలు, డాక్యుమెంట్లను డిసెంబరు 9 సాయంత్రం 5గంటల్లోపు సమర్పించాలని ఎన్నికల కమిషన్‌ మంగళవారం ఆదేశించింది. ఇటీవల జరిగిన అంధేరి తూర్పు అసెంబ్లీ నియోజకవర్గ ఉప ఎన్నికల్లో శివసేన పేరు, గుర్తు ఉపయోగించుకోవడానికి రెండు గ్రూపులకు ఎన్నికల కమిషన్‌ అనుమతి ఇవ్వని సంగతి తెలిసిందే.
మీ స్నేహితులకు రికమెండ్ చెయ్యండి
