- అడ్వర్టియిజింగ్‌ రంగంలో పేరొందిన ప్రఖ్యాత సంస్థల మధ్య ఒప్పందం
న్యూఢిల్లీ : కేరళకు చెందిన ప్రఖ్యాత అడ్వర్టయిజింగ్‌ ఏజెన్సీ ౖ'ఐఎంఎసీ అడ్వర్టయిజింగ్‌ ప్రయివేట్‌ లిమిటెడ్‌', బెంగుళూరుకు చెందిన డిజిటల్‌ మార్కెటింగ్‌ ఏజెన్సీ 'త్రీ పర్సెంట్‌ కలెక్టీవ్‌ ప్రై లిమిటెడ్‌' కలిసి పనిచేయడానికి సిద్ధమయ్యాయి. రెండు కంపెనీల మధ్య ఈ ఒప్పందం యాడ్‌ రంగంలో గొప్ప మైలురాయిగా నిలిచిపోతుందని ఐఎంసీ ఎగ్జిక్యూటివ్‌ డైరెక్టర్ సీటీపీ ఉమ్మెర్‌కుట్టీ అన్నారు. మరిన్ని మెరుగైన ఫలితాలు సాధించడానికి ఈ భాగస్వామ్యం ఉపయోగపడుతుందని త్రీ పర్సెంట్‌ సీఈఓ ప్రవీణ్‌రావు అన్నారు. దేశవ్యాప్తంగా అడ్వర్టయిజ్‌మెంట్‌ రంగంలో విస్తరించిన వ్యాపార అవకాశాల్ని అందుకోవటమే లక్ష్యంగా ఐఎంసీ, త్రీ పర్సెంట్‌ మధ్య పరస్పర అవగాహన ఒప్పందం కుదిరింది. ఇందుకోసం తమ వ్యాపార నిర్వహణను దేశమంతా విస్తరించాలని నిర్ణయించుకున్నాయి. ముంబయి, ఢిల్లీ, హైదరాబాద్, చెన్నై, కోల్‌కతా నగరాల్లో తమ శాఖలను ప్రారంభించబోతు న్నాయి. ఐఎంసీ ఏజెన్సీ..ప్రింట్‌, ఎలక్ట్రానిక్‌ యాడ్‌ రంగంలో ప్రఖ్యాత సంస్థగా కొనసాగుతోంది. ఇకముందు డిజిటల్‌ రంగంలోనూ విస్తరించాలన్న లక్ష్యంలో భాగంగా త్రీ పర్సెంట్‌తో చేతులు కలిపింది. ఎఫ్‌ఎంసీజీ ఉత్పత్తులు, ఫ్యాషన్‌, ఎడ్‌టెక్‌, అగ్రిటెక్‌, హెల్త్‌కేర్‌ బ్రాండ్లకు ప్రాచుర్యం కల్పించటంలో త్రీ పర్సెంట్‌ దూసుకెళ్తోంది.
