హీరో విశ్వక్‌ సేన్‌ తొలి పాన్‌ ఇండియా చిత్రం 'దాస్‌ కా ధమ్కీ'. ఈ సినిమా షూటింగ్‌ మొత్తం పూర్తి చేసుకొని, ప్రస్తుతం పోస్ట్‌ ప్రొడక్షన్‌ దశలో ఉంది. ఈ చిత్రం ఫిబ్రవరి 17, 2023న ప్రపంచవ్యాప్తంగా ప్రేక్షకుల ముందుకు రానుంది. ఈ ఎనౌన్స్‌మెంట్‌ పోస్టర్‌లో వెల్వెట్‌ కలర్‌ సూట్‌లో చేతికర్ర పట్టుకొని విశ్వక్‌ సేన్‌ సినిమాపై అంచనాలను పెంచారు.
ఈ సినిమాలో ఆయన టైటిల్‌ రోల్‌ పోషించడంతో పాటు దర్శకత్వం కూడా వహించారు. వన్మయే క్రియేషన్స్‌, విశ్వక్‌ సేన్‌ సినిమాస్‌ బ్యానర్ల పై కరాటే రాజు నిర్మిస్తున్న ఈ సినిమాలో నివేదా పేతురాజ్‌ హీరోయిన్‌. ఈ చిత్రానికి ప్రసన్న కుమార్‌ బెజవాడ డైలాగ్స్‌ అందిస్తున్నారు. ఇటీవల మేకర్స్‌ విడుదల చేసిన ట్రైలర్‌ 1.0కి అద్భుతమైన స్పందన వచ్చింది. యాక్షన్‌, థ్రిల్లర్‌ ఎలిమెంట్స్‌తో రోమ్‌-కామ్‌గా తెలుగు, తమిళం, మలయాళం, హిందీ భాషల్లో విడుదల కానున్న ఈ చిత్రంలో రావు రమేష్‌, హైపర్‌ ఆది, రోహిణి, పృథ్వీరాజ్‌ ఇతర ముఖ్య తారాగణం. ఈ చిత్రానికి దర్శకత్వం: విశ్వక్‌ సేన్‌, నిర్మాత: కరాటే రాజు, డీవోపీ: దినేష్‌ కె బాబు, సంగీతం: లియోన్‌ జేమ్స్‌, ఎడిటర్‌: అన్వర్‌ అలీ, ఆర్ట్‌ డైరెక్టర్‌: ఎ.రామాంజనేయులు, ఫైట్స్‌: టోడర్‌ లాజరోవ్‌-జుజి, దినేష్‌ కె బాబు, వెంకట్‌.
