పద్మజ ఫిల్మ్స్‌ ప్రైవేట్‌ లిమిటెడ్‌, ఓల్డ్‌టౌన్‌ పిక్చర్స్‌ ఎల్‌ ఎల్పీ ఫిల్మ్‌ సంయుక్త నిర్మాణంలో సత్యదేవ్‌, డాలీ ధనంజయ, సత్యరాజ్‌ ప్రధాన పాత్రలలో ఫస్ట్‌ జాయింట్‌ ఫీచర్‌ మల్టీస్టారర్‌గా ఓ ఫైనాన్షియల్‌ క్రైమ్‌ యాక్షన్‌ థ్రిల్లర్‌ రూపొందుతోంది. 'పెంగ్విన్‌' ఫేమ్‌ ఈశ్వర్‌ కార్తీక్‌ రచన, దర్శకత్వంలో హైదరాబాద్, కోల్‌కతా, ముంబై ప్రాంతంలో షూటింగ్‌ జరుపుకోనుంది.
ఇటీవల ఈ చిత్రం మొదటి షెడ్యూల్‌ చిత్రీకరణ పూర్తి చేసుకుంది. ప్రియా భవానీ శంకర్‌, సత్య అకల, సునీల్‌ వర్మ, జెనిఫర్‌ పిచినెటో ఈ చిత్రంలో ఇతర కీలక పాత్రలు పోషిస్తున్నారు. రెండవ షెడ్యూల్‌ నవంబర్‌ 21 నుండి ప్రారంభమైంది. వచ్చే ఏడాది ఫిబ్రవరి మొదటివారం వరకు షూటింగ్‌ జరగనుంది. తెలుగు, కన్నడ, తమిళం, హిందీ, మలయాళం భాషల్లో వేసవిలో ఈ సినిమా రిలీజ్‌ కానుంది. 'క్యాలిటీ జోనర్‌ చిత్రాలను ప్రేక్షకులకు అందించడం కోసం ఓల్డ్‌ టౌన్‌ పిక్చర్స్‌ యంగ్‌ అండ్‌ ఎనర్జిటిక్‌ టీమ్‌తో కలిసి పని చేయడం ఆనందంగా ఉంది' అని ఎస్‌.ఎన్‌ రెడ్డి (పద్మజ ఫిల్మ్స్‌ ప్రైవేట్‌ లిమిటెడ్‌) అన్నారు. 'మా అసోసియేషన్‌ నాణ్యమైన, అత్యున్నత చిత్రాలను అందించడానికి పాజిటివ్‌ మైండ్‌ సెట్‌ని అందించింది. ఇటివల కాలంలో మంచి స్క్రిప్ట్‌లు హద్దులు చెరిపాయి. మేమూ ఆ దిశగా కలిసి పనిచేస్తాం' అని బాల సుందరం (ఓల్డ్‌టౌన్‌ పిక్చర్స్‌) చెప్పారు.
