లక్ష్మీ ప్రసన్న పిక్చర్స్‌, మంచు ఎంటర్‌టైన్‌మెంట్స్‌ బ్యానర్లపై డా.మంచు మోహన్‌ బాబు, మంచు లక్ష్మి సంయుక్తంగా నిర్మిస్తున్న చిత్రం 'అగ్ని నక్షత్రం'. షూటింగ్‌ పూర్తి చేసుకున్న ఈ సినిమా ప్రస్తుతం పోస్ట్‌ ప్రొడక్షన్‌ కార్యక్రమాలు జరుపు కుంటోంది. మోహన్‌ బాబు, లక్ష్మీప్రసన్న తొలిసారి స్క్రీన్‌ షేర్‌ చేసుకుంటున్న ఈ చిత్రంలో విలక్షణ నటుడు సముద్రఖని కీలక పాత్ర పోషిస్తున్నారు. మలయాళంలో ఎన్నో విభిన్న పాత్రలు పోషించిన మలయాళ నటుడు సిద్దిక్‌, యువ హీరో విశ్వంత్‌, చైత్ర శుక్లతో పాటు భారీ తారాగణం ఇందులో కీలక పాత్రలు పోషించారు.
శరవేగంగా పోస్ట్‌ ప్రొడక్షన్‌ కార్యక్రమాలు జరుపుకుంటున్న ఈ సినిమా ఒక సీట్‌ ఎడ్జ్‌ థ్రిల్లర్‌ అని, ఆసక్తికర ఫైట్స్‌తో ఆకట్టుకుంటుందని డైరెక్టర్‌ వంశీ కష్ణ తెలిపారు. ఈ చిత్రానికి అచ్చు రాజామణి సంగీతం అందిస్తున్నారు. గోకుల్‌ భారతి కెమెరామెన్‌గా, మధు రెడ్డి ఎడిటర్‌గా వ్యవహరిస్తున్నారు.
