దర్శకేంద్రుడు కె.రాఘవేంద్రరావు నిర్మాతగా ఆర్‌.కె టెలీ షో ప్రైవేట్‌ లిమిటెడ్‌ బ్యానర్‌ పై గంగనమోని శేఖర్‌ దర్శకత్వంలో 'సర్కారు నౌకరి' అనే నూతన చిత్ర ప్రారంభోత్సవ పూజా కార్యక్రమాలను సంస్థ కార్యాలయంలో ఘనంగా నిర్వహించారు.
గాయని సునీత తనయుడు ఆకాష్‌ హీరోగా, నూతన నటి భావనా వళపండల్‌ హీరోయిన్‌గా ఈ చిత్రం ద్వారా వెండితెరకు పరిచయమవు తున్నారు. జీ స్టూడియోస్‌ నిర్మాత ప్రసాద్‌ నిమ్మకాయల కెమెరా స్విచ్చాన్‌ చేయగా,మ్యాంగో మీడియా అధినేత రామ్‌ వీరపనేని గౌరవ దర్శకత్వం వహించారు. దర్శకేంద్రుడు దేవుడి పటాలపై క్లాప్‌ నిచ్చారు.అనంతరం హీరో,హీరోయిన్లపై తీసిన తొలిషాట్‌కు కె.రాఘవేంద్రరావు దర్శకత్వం వహించగా, గాయని సునీత కెమెరా స్విచ్చాన్‌ చేశారు. ఫిబ్రవరి 6 నుంచి నిరవధికంగా షూటింగ్‌ జరుపుకోనున్న ఈ చిత్రంలో తనికెళ్ల భరణి, సూర్య, సాయి శ్రీనివాస్‌ వడ్లమాని, మణిచందన, రాజేశ్వరి ముళ్లపూడి, రమ్య పొందూరి, త్రినాథ్‌ తదితరులు నటిస్తున్న ఈ చిత్రానికి మ్యూజిక్ : శాండిల్య, ఆర్ట్‌ డైరెక్టర్‌ : రవి, సినిమాటోగ్రఫీ,రచన,దర్శకత్వం : గంగనమోని శేఖర్‌.
