- టీఎస్‌ఆర్టీసీ ప్రకటన
నవతెలంగాణ-హైదరాబాద్‌బ్యూరో
ప్రయాణికులు ముందుస్తు రిజర్వేషన్‌ చేసుకుంటే ప్రత్యేక రాయితీలు ఇస్తామని టీఎస్‌ఆర్టీసీ ప్రకటించింది. 31 రోజుల నుంచి 45 రోజుల ముందు రిజర్వేషన్‌ చేసుకుంటే టికెట్‌లో 5 శాతం, 46 రోజుల నుంచి 60 రోజుల ముందు టికెట్‌ బుక్‌ చేసుకుంటే 10 శాతం టిక్కెట్‌ చార్జీలో రాయితీ ఇస్తామని ఆ సంస్థ చైర్మెన్‌ బాజిరెడ్డి గోవర్థన్‌, మేనేజింగ్‌ డైరెక్టర్‌ వీసీ సజ్జనార్‌ తెలిపారు. ఈ మేరకు ఆన్‌లైన్‌ ప్యాసింజర్‌ రిజర్వేషన్‌ సిస్టం (ఓపీఆర్‌ఎస్‌) సాప్ట్‌వేర్‌ను అప్‌డేట్‌ చేశామన్నారు. ముందస్తు రిజర్వేషన్‌ సదుపాయం ఉన్న అన్ని సర్వీస్‌లకు ఈ రాయితీ వర్తిస్తుందని స్పష్టంచేశారు. ఈ పద్ధతిని ప్రయోగాత్మకంగా సంక్రాంతి పండుగకు వర్తింప చేశారు. ప్రయాణీకుల నుంచి మంచి స్పందన రావడంతో ఈ సదుపాయాన్ని ఈ ఏడాది జూన్‌ వరకు పొడిగిస్తున్నట్టు ప్రకటించారు. ముందస్తు రిజర్వేషన్‌ కోసం అధికారిక వెబ్‌సైట్‌ www.tsrtconline.inను సందర్శించాలని కోరారు.
