రామక్కల్మేడు భారతదేశంలోని కేరళ రాష్ట్రంలోని ఇడుక్కి జిల్లాలోని ఒక హిల్‌ స్టేషన్‌. ఇది మున్నార్‌-తేక్కడి మార్గంలో నెడుంకండం నుంచి 15 కిలోమీటర్ల దూరంలో ఉంది. సమీప పట్టణాలు తూక్కుపాలెం (5 కిమీ), కట్టప్పన (25 కిమీ), కుమిలి (40 కిమీ). ఇది సముద్ర మట్టానికి 3,500 అడుగుల (1,100 మీ) ఎత్తులో పశ్చిమ కనుమలలో ఎత్తైన ప్రదేశం. పర్యావరణ వ్యవస్థలో ఎక్కువగా గడ్డి భూమి షోలా అటవీ రకాన్ని కలిగి ఉంటుంది, అంతేకాదు, ఇది చెదురుమదురు వెదురు అడవులతో కప్పబడి ఉంటుంది. స్థిరమైన గాలి ఈ ప్రాంత ప్రత్యేకత. సీజన్‌తో, సమయంతో సంబంధం లేకుండా ఏడాది పొడవునా రామక్కల్మేడు వద్ద గంటకు 35 కి.మీ వేగంతో గాలి వీస్తుంది.