Sun 04 Apr 00:50:10.910743 2021
రేపటి భయాల్ని తప్ప తాగి
కొరికలపై కాలు జారి
కళ్ళు తిరిగిన తలపులు
వర్తమానం కింద నలిగిపోతూ
నిలువుగా చీలిన మనిషి
రెండు చేతులతో
ప్రోగు చేసుకున్న ఆశలను
మెదడు పొరల్లో కన్నీటి ద్రావకంలో దాచి
కలల దువ్వలో
కలత దుమ్ములో
కలవరింత ఎత్తిపోతలో
వంకరటింకరి దారిలో
పిచ్చిగా తూలుతూ
పచ్చిగా వాగుతూ
ముడతలుబారిన ఊహాలకి
మెలికలు తిరిగిన ఆలోచనలను ముడివేసి
చితికిన మనసులో
చీకిన జ్ఞాపకాలతో
చిరిగిన మాటలో
చెదిరిన అర్థాలలో
నీవు ఎక్కడున్నానో
కనిపించిన ప్రతి అందాన్ని అడిగి
తడిమి మరీ పలకరిస్తూ
తనలోని నిజాన్ని ఊతంగా
నిజాయితీని వెన్నుగా
నాలో ఉన్న నీతో
నీలో లేని నాతో కలసి
దిక్కులు వెంట ఎన్ని జాడలని వెతకను?
నేటి నిన్ను చూస్తుంటే
రేపటి భయం నేడు నీ పక్కనే
కనిపిస్తూనే ఉంది.
- శీ సాహితి,
9704437247
మీ స్నేహితులకు రికమెండ్ చెయ్యండి
