Sun 18 Apr 02:20:29.032141 2021
ప్రతిపక్షములోన ప్రశ్నించే గొంతుక
గెలుపు తదుపరి కండువతో పాటు
పాలకపక్ష గొంతుకగా మారే
నాయకుడి ధర్మమేల
అవినీతి కంపు లో తానెదుర్కొన్న
ఇబ్బందులు మరిచి
తానే ఉద్యోగి అయ్యాక
లంచావతారమెత్తె ఉద్యోగి ధర్మమేల
చిరిగిన నోటునే తిప్పితిప్పి చూసి
తిరిగి అప్పగించే వస్తు వ్యాపారి
తాను చేసే కల్తీ వ్యాపారం ధర్మమేల
సినీస్క్రీనులో ఆపదంటే ముందుండి
నిజజీవితంలో సమాజ పట్టింపే లేని
నకిలీ హీరోల ధర్మమేల
ప్రజాస్వామ్యము,రాజ్యాంగము
హక్కులు అని వల్లె వేసే ప్రజలు
వ్యక్తి పూజతో నేతలను నియంతలుగా మార్చే ప్రజల ధర్మమేల
- గౌస్‌ పాష వెన్నచర్ల,
9010727424
మీ స్నేహితులకు రికమెండ్ చెయ్యండి
