Sat 26 Feb 23:10:28.339334 2022
చలి చీమలు
మబ్బులు గుమిగూడినట్లు
మెల్ల మెల్లగా సమావేశమవుతున్నాయి
దేశంలోకి బలవంతమైన సర్పమొకటి జొరబడ్డదని!
చీమల్ని విడదీసి వెంటాడి
వేటాడుతున్న సర్పం
అఖండ భారతాన్ని కలగంటున్నది!
ముప్పును పసి గట్టిన చీమలు
ఒక్కటై నినదిస్తున్నాయి!
అమ్మకం అలవాటైతే
అది ఎనిమిదో వ్యసనమని
దేశమెప్పటికి ఒక్కటే
వైవిధ్యమే దాని సుందర రూపమని
భిన్నత్వంలో ఏకత్వానికై
చీమలు తమ పరిధులు దాటి
సమూహాలుగా కదలుతున్నాయి!
గత కాలంలో సర్పానిదీ
చలి చీమల అవతారమే
తొండ ముదిరి ఊసరవెల్లి అయినట్లే
అలనాటి పిపిలీకం వేటాడే విష సర్పమైంది!
నమ్మిన వానికి దేవుడు
దేశంలో పుట్టిన వాడికి దేశభక్తి
సహజాతాలే!
అవి రెండూ నినాదాలయ్యాకనే
దేశం బీటలు వారుతున్నది!
రాజ నీతికి కాలం చెల్లిన దేశంలో
అభివద్ధి ఒక అడుగు ముందుకు
రెండడుగులు వెనకకు!
అధికారం విజన్‌ కోల్పోతే
ఖేల్‌ ఖతం చేసేది తుకుడే తుకుడే గ్యాంగే!!
- కోట్ల వెంకటేశ్వర రెడ్డి94402 33261
మీ స్నేహితులకు రికమెండ్ చెయ్యండి
