Sun 01 May 23:17:11.207834 2022
ఉదయించే సూర్యుడు
ఉష్ణ రక్తకాసారంలో మండుతున్న గుండె
గురిచూసి వదులుతున్న బాణపు దిశ
అతనెప్పుడూ తూరుపుదిక్కే
ప్రశ్నించే గొంతుక
నిట్టనిలువునా చీలే నియంతృత్వం
నివురుగప్పిన జ్వలించే నిజం
వాడెప్పుడూ దక్షిణంవైపే
ఊబిలో కూరుకుపోతున్న వాగ్దానం
ఉరికంబం ఎక్కిస్తున్న ఆశల జలతారు
గారడి ఆటలో కనికట్టును తాకట్టుపెట్టిన విన్యాసం
వీడిదెప్పుడూ పడమటి చూపే
ఊకదంపుడు ఉపన్యాసాల్లో రాలుతున్న ఊక
ఊరడించే మలాం పూతలు
పువ్వులోని మకరందాన్ని తాగే భ్రమరం
ఇతనిదెప్పుడూ దక్షిణం గోలే
దిక్కులు పిక్కటిల్లే ఆకలి అరుపులు
వెలుగు చీకటుల మధ్య వ్రేలాడుతున్న బతుకులు
మంచు చినుకుల కింద కూరుకుపోతున్న కళేబరాలు
దిక్కులనన్నీ ఏకం చేస్తున్న ఏక్‌ సితారా రాగం
రగులుతున్న నిప్పుల కుంపటిలోంచి
వెలిగిస్తున్న పోరాటదీపం
- కోడం పవన్‌కుమార్‌,
9848992825
మీ స్నేహితులకు రికమెండ్ చెయ్యండి
