Sun 14 Aug 00:56:19.82165 2022
కాలం చరిస్తునే వుంటుంది
ఒక్కోసారి నత్తలా నడుస్తూ
మరోసారి
చిరుతలా దొర్లుతూ పరిగెడుతూ.
జీవితం తరిస్తుంటుంది
ఒక్కోసారి ఖేదంతో ఏడుస్తూ
మరోసారి మోదంగా నవ్వుతూ.
కాలం తుది తెలియని వాహిక
జీవితం ఎడతెగని దప్పిక.
కాలం నిత్యచలనశీలి
అయినా
స్థితప్రజ్ఞ దాని లక్షణం.
అసంగతి తెలియకుండా
జీవితం కూడా
తనతో పోటీ పడుతుంది.
నిజానికి
కాలచక్రం, జీవితవలయం
అద్వైతానికి ప్రతీకలు.
జీవితమంటే
కాలనదికి ఒక పాయ,
కాలమంటే
జీవన ప్రకాశానికి ఒక ఛాయ.
- కుడికాల వంశీధర్‌,
9885201600
మీ స్నేహితులకు రికమెండ్ చెయ్యండి
