గౌరమ్మ... గౌరమ్మ ... నువ్వే మా బతుకమ్మ
మా తల్లి బతుకమ్మ మమ్మేలే బొడ్డమ్మ
చీరా సారేలు తెస్తాం చల్లంగా సూడమ్మా
మాయమ్మ మాయమ్మ కరుణించవే మాయమ్మ!

ఆడపిల్లల బ్రతులకు అడుగడుగునా గండాలయే
నడిరోడ్డు పైనే నల్లిలా నలిపేస్తున్నారే
ఎలా చూస్తున్నావు ఈ ఘోరాలమ్మ !
మాయమ్మ మాయమ్మ కరుణించవే మాయమ్మ!

నీ అంశతో పుట్టిన ఆడబిడ్డలకు అండగా ఉండాలమ్మా
గునుగుపూలనే తెస్తాం మాలో గుబులు తీసేయమ్మ
ముద్దా చామంతులిస్తాం ముత్తైదు బాగ్యాలు ఇవ్వమ్మా
మాయమ్మ మాయమ్మ కరుణించవే మాయమ్మ!
పసిపిల్ల, ముసలమ్మను తేడాలే మరిచిరమ్మ
తంగేడు పువ్వులనిస్తాం
తరిమికొట్టు దుష్టులను మాయమ్మ
మా ఇంటి దీపాలను కాపాడే సద్దులమ్మ
మాయమ్మ మాయమ్మ
కరుణించవే మాయమ్మ!

అన్యాయపు కోరలను చీల్చి చెండాడవే పెద్దమ్మ !
పిల్లాపాపలతో నిన్ను కొలుసుకుంటామే గౌరమ్మ
బతుకమ్మ బతుకమ్మ కాపాడవే మాయమ్మ !
గౌరమ్మ... గౌరమ్మ... నువ్వే మా బతుకమ్మ!

- జ్యోతి మువ్వల,
  9008083344